Sapaka se Ambalesa wërupe' nimamale, ja nimëwale an tëmbir i
lüa'an i ësa rojongam bangkër wo kasawurangan. A si makasaoka ja tumana'o-mai
si ësa Sawurang, wo sia maja' nimantër(ë)kë'-mai am bale e Ambalesa anio'. Ja
am pagéroka sia, ja mëta'upo wo si Sopit. Këilëk(ë)kë'-mange i Sopit si Sa-
wurang, ja sia mainde'o wo mësisipo wo'on an dukut. Janta'an pailëkën-ako i
Sawurang in sia i mësisipo, ja ng kuanao: „E Sopit! tio'o mënë-ënëp an iaku,
ra'itja kua'a re'e mëtaranak kita?" Eng kuano i Sopit: „Tani'tuka ka'i n
aitjua i ito'ku Liwang an laku a si tjawisaona', ta'an aku ja mënginde-
nginde'kë' se itjamu in Sawurang." Eng kuano i Sawurang i mëwuei : „
Ambituka se makawale in anio* ?" Sowatëno i Sopit ëng kuana: „A si tjawoondo
si tuama ja nitumalun, e ni- maali-ali im pukët, wo mawali-wali se asu-, anae
wajaoka si wewene n a mange mbitu."
Siituoka si Sawurang mëla'u-la'uso-mange a si Wewene isia.
Itjatëka'-mange sia, ja malintëro si Wewene wo mëtintjaso wo'o n am pësiwona.
Janta'an sia pinerokë' i Sawurang, ëng kuanao: „Tio'o tumintja-tintjas, en
da'itja kua'a tambisangku ko." Tani'tu sia mëniwo-niwokë'. Siituoka ng
kuano i Sawu- rang i mënow si Wewene itu: „Maio, angenta-mai tjupa. Eng kuano i
Wewene: „Sama', ën ta'an si sei ë lumaput? Sumowato si Sawurang: „lakuokaë
lumaput. ''Jawo sera mangem. Makano in tjupa sera, ja ng kuano ka'i i Sawurang:
^Iwe'emu- mai n sengkamu, wo iëpe'ku." Ja kini'itan tu'u i Wewene n iitu,
iaka-akar ën sengkana aiwaleo i Sawurang ang kamana. Ipakawalena-mako n iitu,
ja ng kuanao: „Kalo'or el ën ta'an wiwine' ka'i ë lo'or ja! iwe'emu-mai ka'i n
iitu-wo." Ja iwe'eo ka'i i Wewene n iitu. Jawo makaapu-mako ng kupa, ja
ipëki- wareng(ë)nao wo'o se niiram i Sawurang iitu. Janta'an si pangilëkana
iitu ja tinalakë' i Sawurang in ënow, ëng kuanao: „Maio, mangeta indon
tu'is." Kuano i Wewene: „Me'e weta' e na." Tani'tu mangem tu'u sera.
Ja sapaka si Sopit nitjumi'i-tji'it(ë)kë'-mange isera, ang
karapi i maënë-ënëp an isera. Ja mangere-ngereoka tu'is sera, ja sera itjasumpako-mange
an dangka' in tjëpal katu'isangka ka'i. Mëkembu-kembutoka in tu'is si Wewene
isia, ja sia ipë'- pëso-mio' i Sawurang in ipus(ë)na ang këpal rararëman iitu,
iaka-akar . sia in aitjalëpok-io'. Kamang sia in aitjalëpoko, ja si Sawurang
mërioro mareng-ange am bale i Wewene itu, en sia ja mangeo mangun in owa'na
itji'itoka a gio i Wewene aiwilang(ë)na. Malui-mako si Sawurang, ja marengo-mai
am bale si Më- nana' a si aitjawilango. Ja am pa'pa' tu'u si Sawurang i
nigumioo i gio i Pënana'an i tow isia, ja sia ra'itja katu'usana in sapaka re'e
sia ja Sawurangkë', mande i ngëru m bow(ë)na. Ja a si tjatëluèin ngando im
bawa'andoo, in sera in dua i nimëwali-walio an tutuw ka'i i tuama iitu in ang
karimbaim- bangan i mata'nei si Pënana'ana i mawowoka ngëru, ja tu- mengeo-mai
si Sopit an dangka' in seip im baleera, ëng kuanao tana'i: „E ApoM alian-ange
api si Ene, en ailëpok ang këpal." Siituoka itjaëmbowo i Sawurang si
Sopit, wo sia përiorënao wo'on in dumintuk. Janta'an sapaka n aitenge i Sopit,
ja pënigi-nigilënoka i Tow, iaka-akar in itjuanao a si Sopit: „E Sopit, sa ulit
tanu ën aitjuamu, ja iwali-miange aku."
Jawo tu'u sia mindoo-mai api wo sera mangem, si Tow ën an
somoi, maki'it-ange si Sopit, i mënenge-nengekë' tanu in aitengena tarepe'.
Itjatëka*o-mange ang këpal sera, ja mënenge- nengekë' si Sopit, wo sia
muntëpo-mio' pëki'itën ka'i-mio' i Tuama ipawali-walina. Mëta'upo-mange sera in
ambalesa, ja ng kuano i Wewene: „Ambia'i aku, janta'an marengo-mange ko-wo, WO
mange paten si Sawurang. Nio' aku, en aiwi- lang(ë)nao.'' Jawo mërioro
tu'u-mange si Tuama isia i mange mate si Sawurang am baleera. Patena-mako sia,
ja warengënao- mange i mange-mai si Pënana'ana.
Ja akaroka ka'i-mai iitu se ambalesa anio' marengo ka'i ang
kaëlu-ëluran wo ng kasale-sale'anera tanu in dior; ja itu niange-mai in
tjatawe'e reken wo ng katalësënan wo ng kataupusan i Sopit.
0 komentar:
Posting Komentar