Kaindo-indono-mai sapaka se am balesa ja nimakaere ësa
toja'ang, sia ja ra'itja wana ro'kos wo keitjei, tanukë' kapitu. Ja ra'itja ure
sia m papiaranera, ja ng kuanerao: „Sapata tu'u in toro i mëwangko-wangko'
isia, ra'itja wana katoroan; awëse' tare sia wo irojong(ë)tao, intji ?"
Kuano i Esa : „Ja awës ën tani'tuo.'* Wo sia saputënera in aroro' wo irojong.
Ja marojongoka sia, ja itjawe'e-mange an dano maringin WO sia itjasampel-ange
am batu lëmpar. Ambituoka sia, ja sia pailëkëno i ësa wewene maësa-ësa. Wo si
Toja^ang tanu kapitu numuwu', ëng kuanao : „E ra'a, sa ro'na ja indon- ange
aku, wo iwali-mange am bale." Kuano i Wewene isia : ^Sapaku in toro i
mindo iitjo, en tanukë' kapitu?" Kuano i Toja'ang: „Wawean kua'a katoroan
aku, anae sa ro'na, iwali- mange aku." Kuano i Wewene: „Sapakë' e inde',
ra'itja iwa-litju!" Wo sia indona wo iwali-mange am bale. Ambituoka, ja ng
kuano i Wewene isia a si Tanu Kapitu: „Ra'itja wana kanen, ja." Kuano i
Tanu Kapitu : „Ja ëmparan-io* in tjulo' ë meja, wo iwëkar-ange ambitu aku.
Ta'an dumojor(ë)pe' ko WO mangepe* a se katana'-wo, wo tio'o maware-wareng-ai
in somoi."
Tani'tu tu'u kini'itan i Maësa-ësa. Ja mareng-ai sia ja
aiompëro m baja in tjakanën wo n ëëlëpën e sija*, ja ma- ngaja'ka'o-mai isia.
Eng kuano i Töja*ang: „Kumano-wo, em baja in tëla'u-sa ja itia'oka-mio\ em
bawa*ando ja makaere ka'i tjanën." Siituoka ja sia kuman. Makakan-ako sia
ja mailëko i murano, wo ng kuanao: „E murano! Ja ambisa m bean iitjo em
pati'isan, ja rumëgës ka'i wona\ O inde* ! sa n iasa itjarë'mba wo ko
atëwën." Kuano ka*i i Toja'ang: „Ja iwe'e ka'i-mange a meja aku, a'li'an
ka'i in tjulo'. Ta'an ka'i ko ja rumojore'-wo, wo tio'o itaure-mai."
Siituoka rumo- joro sia wo mange a se katana'. Ambituoka sia, ja sia mai-
lëko-mange im balena, ja ra'io tani'tu, ta'an aitjaerao, wo sia mareng-ange.
Ra'itja ka'i nimaja' pira ngando, ëng kuano i Ra'ana: „O
inde'! makapësuto m bale, ja tëkek ëm bale, sawo wangko', ja ro'na
pëmësu-mësutën." Kuano i Toja'ang: „Mange wueiën ëm bale i Tjolano,
mainde' wu'unën." Kuano i Ra'ana: „Ja sapa n iwe'e in iitu?" Kuano i
Toja'ang: „Me'e weta'-wo!" Mangem si Ra'ana wo sia muei. Sumowato si
Tjolano: „Itja- sale'ku, ta'an si ësa pariri anu mange ja wutan im paser, WO si
ësa ja wutan in susi." Marengo si Wewene isia, wo mange kumua a si
Toja'ang. Kuano i Toja'ang : ^Sarna*,ta'an sapaka ko, ja mangem am bale i
Tjolano wo itjatëka*- mange ja mitong-io' tana' wo iiëpok-io' am pariri,
makatëlu n a si ësa, tani'tuka ka'i n a si ësa."
Tani'tu mangem si Wewene isia wo mema' tanu si aita'ar i
Toja'ang. Ja pailëkënao, ja nimawutao im paser wo n susi ëm pariri. Ja
aitjuanao a si Tjolano: „Nimawutao ja." Kuano i Tjolano : „Ja sama'."
Wo sera mëluro wo rumojoro ën ambitu. Rumojor-ako se Kolano, ja sumosoro-mange
si We- wene isia.
Pailëkënao ja ra'io lo'or. Siituoka sia mange a si Toja'ang
ng kuanao: „Ra'io lo'or, pa'pa'an in tinangkelasano ën ambitu." Kuano i
Toja'ang: „Iwali-mange aku, mange iwëkar-io' an sale'." Iwalio tu*u-mange
sia. Itjatëka'-mange, ja ng kuano i Toja'ang: „Rumojore' ko-wo, iakupe' n
ambia'i-wo."
Rumojoro ka'i si Wewene isia. Mareng-ange sia, ja nima-wutao
im përong ëm bale. Ambituoka sera, ja mangeo lu- mële' si Toja'ang ta'an
aira'ndakë' i Ra'ana, wo pailëkëna ja in sapaka sia, ja tuama re'e lo'or. Wo
indonao ng karaina WO iënëp. Ja mangeo pangere-ngeren i Toja'ang ra'io wia.
Kuanao: „Ra'io kua'a kumarai in iitu aku, ta'an aku ja tu- maneo a si Anak i
Tjolano." Siituoka mangeo muei si Anak i Tjolano sia. Kuano i Tjolano:
„Sama', ta'an da'itja sapa n iwe'emu mangekë' mëseke' wo se sangaro'ong, en
sera ja tow lewo'. Sa sera kawoleianuka, ja itjooka ng kolano wo ko tumane a si
ana'ku." Awoja mangen tu'u sia, mangeo mëseke', iaka-akar tu'u in sia
nimakawolei. Ja marengo-mange a si Tjolano sia, wo itjuana in isia nimakawolei.
Anaitu isiaoka ng kolano ambitu WO sia ka'i nitumane a si Anak i Tjolano.
0 komentar:
Posting Komentar