I Sapaka si Inang wo si Amang i Pokol ja tow lengei. An
somoi-mai in si Amar)g i Pokol i nimateo, ja sia anio' mamualio tow ; sapaka
sla, ja toja'ang tuama. Tumowo-mai sia, ja sia raitja wana kama wo keitjei tanu
Wo si Membe' maja'o ka'i.
Mëmaja-maja'oka-mange si Membe', ja sia paki'itëno-mange i
pënana'ana. Awoja am pa'pa'an tu'u i matawio in sosoran a langit, ja sia
ënto'onao an tëmbir i rojongan makangaran : Rano Makawuringën. Ambituoka ja
ita'ar(ë)nao a si pëna-na'ana: „Sa ko WO masale' kumi'it iaku mange a langit,
ja kita karëngan lumële' a si rano anio'." Ja sera lumële'o a si rano
litu. Makalële'-mako sera, ja ng kuano i Membe' : „Sa ko WO masale' mange
karapitju, ja mangekukë' itjua in ta- wangku ko, eni? em pa'pa'an da'itja
itjasale' e mama' ën aku nitumane am bawo in tana'." Ja tani'tu sera in
sumosoro a langit. Itjatëka'o-mange, wu- eiëno e amang(ë)na: „Sapamu sia?"
Sumowato si anak(ë)na, ëng kuanao : „Tawangku." Maio tu'u in tumu'tulo si
Anak i Tjolano in itaneo e amanga, ja weano tawoiën si tawang(ë)- na.
Katare-tare ja ipa'pako i Penana'an i Tjolano ëm batuna i mostor sangawantang
an tana'.
Ipa'pak(ë)na-mako n iitu, ja ng kuanao a si tawang i ana'na:
„Pitongënu ëm baja se watuna i mostor an tana' anio'." Malinga-mako in
iitu sia, ja sia mangem a si ënana' an isia mange mangilëk tawangan, ëng
kuanao: „Sapaka aku ja kinuanan i inangu i mitong im batuna i mostor makasa im
bantang aipa'pak(ë)na an tana', WO iwe'e ka'i am bantang, ta'an aitjuana,
ra'itja toro mande ësakë' itjatëla'u, karëngana iwe'e waja am bantang."
Eng kuano i Anak i Tjolano a si tawang(ë)na: „Itjatëka'-mange ambitu ko, ja
kumua in tana'i : „Aitjua-mai i Anak i Tjolano im baja, kine, se sërëm ja mai
mitong im batuna i mostor anio', wo iwe'e am bantang, wo ra'itja toro ësa itjatëla'u,
karëngan ipakawe'e-we'e am bantang."
Tani'tu tu'u mali'uso-mai se së- rëm, WO pitongënerao wo
iwe'e am bantang. Ipakawe'eera- mako am bantang ën iitu, ja si tawang i Anak i
Tjolano mangem a si Penana'an i Tjolano, ëng kuanao: „Ra'io, pi- nakapitongkuo
!" Kuano ka'i i Penana'an i Tjolano: „Indon ëm berong anio', wo mange
iasu-mai rano!" Tani'tu ng karior mangem ka'i a si Anak i Tjolano si
tawang(ë)na, ëng kuanao ka'i : „ Aitjua i inangu, ja aku mindo im berong wo
mange iasu-mai rano, anae tambisangku ën iitu?" Eng kuano i Anak i
Tjolano: „Itjatëka'-mange an dano ko sa, ja ng kuanuo: „Aitjua-mai i Anak i
Tjolano im baja se kosei ja mai lu- mintjun am berong." Itjatëka'
tu'u-mange an dano sia, ëng kuanao: „Aitjua-mai i Anak i Tjolano, im baja se kosei
ja mai lumintjun am berong." Wo m berong iIëpok(ë)nao-mio' ; pailëkënao
tu'u-mio\ ja nilintjunano e kosei, wo indonao-mai ën iitu WO iasuna rano
paalin-ange am bale i Tjolano. Itja- tëka'-mange, ja ng kuanao a si Pënana'an i
Tjolano: „Kënu ën dano." Kuano i Pënana'an i Tjolano : „Sama',
iwëkaro-mio'ambana." Kasomoian-ai iitu ëng kuano ka'i i Penana'an i
Tjolano : „ Wawa'ando ja si ana'ku ën tumaneo, anaitu ko tumimboi an dëri,
iëla'b an isera."
Mawëngi tu'u-mio', ja itja- lalitjo in sera i lumukuto, wo
timboiano i tawang i Anak i Tjolano ën ipaëla'b. Makalukutoka si Anak i
Tjolano, ja wa- rengëna-mako ëm bërën, si tawang(ë)na ja mëngame-ngame'- oka,
pa'pa'an i malua'bo ëng kama paso'so'an in dëri. Kua'a ën iitu ëm pisinao-mako
wo masama'o ka'i-mai. Karua ka'i i mareng-ako in somoi, ja si tawang(ë)na
maame', pa'pa'an i malunguso ëng kama paso'so'an in dëri, wo tani'tu pisinao
ka'i-mako wo ën iitu mapali'o ka'i-mai. Katëluna i mareng- ako in somoi ja
timboianao-mai si tawang(ë)na wo ng kuanao : „Maio, mio'om karu' am bawo in
tana' kita." Siituoka ja niaëgao-mai se nilumukut wo'o ang kasale-sale'an,
ëng kuane- rao: „Awo, ra'itja tu'u isiao si pënana'ana!"
Ja si Anak i Tjolano wo si pënana'ana nimaja'o-mai am bawo
in tana'. Akar(ë)kë' iitu.
0 komentar:
Posting Komentar