Kukua Andior I Wulur

Awoja makaanako-mai si ësa wewene lëngei, ja ësa toja'ang tuama, wo sia ningarananera im Bulur. A si makasaoka in sia im bangko'o, ja sia mëwëra-wëra' a no'o wo sia mitong paneti ësa. Ja ema'anao pësi paneti iitu; pakaema'ana-mako, ja sia mangeo mamësi a lawanan. Makaindoo sia, ja ësa pong-kor tëkek. Kuano i Wulur: „O toro! waweangka re'e sëra'an kami i mëinang." Kuano ka'itje' i Pongkor a si Wulur: „Sa ro'na, tio'o sëra-sëra'an aku em baweang kua'a katoroanu an laku-sa." Kumua si Wulur: „Ja sama' sa tani'tu." Kumuao ka'i si Pongkor: „Sa awean ëm paawonu-sa, towangkë'-mai aku." Iwëkaro tu'u-mio' i Wulur si Pongkor, wo sia marengo- mange am bale. Ja a lalanoka sia, ja sia mailék si anak wewene i Tjolano mange lumële'. Kéilëk(ë)kë' i Wulur si Wawu' isia, ja si Wulur masale-sale' mindo isia pënana^an, WO itu mangena itjua a si Inanga. Janta'an sia aisero'kë' i Inanga, ng kuanao: „Tani'tuö in tjalëngeita, ja indonuo pë- nana'anu si Anak i Tjolano!" Ta'an palëlonoka i Wulur si Anak i Tjolano. Mando-mai ja sia ka'i mange mamësi a lawanan. Itjatëka*-mange a lawanan sia, ja sia tumowa si Pongkor: ^O Pongkor, o Pongkor!" Siituoka ja mai si Pongkor WO sia muei a si Wulur, ëng kuana: „Kaitu-itu ko?" Kuano i Wulur: ^Kaawi'i aku ja nimailëk si wewene Anak i Tjolano, ja isia si itjasale*ku indon pënana'an, ta'an da*itja toro en aku ja anak(ë)kë' i lëngei." Kuano i Pongkor a si Wulur: „Mange a si Tjolano, wo wueiën an isia, sa itjasale'na indonu pënana'an si Wawu' isia; tio'o minde-inde'."

Siituoka marengo am balena si Wulur. An unëroka i lalan sia, ja sia mailëk si ësa sërëm mapulë-pulësoka. Wueiano i Wulur si sërëm: „Kaitu-itu ko?" Sumowato si Sërëm: „Wean- ai rano aku." Ja weano tu'u i Wulur rano si Sërëm. Kuanoka'itje' i Sërëm a si Wulur: „Sa ko wawean ëm paawon an iaku-sa, ja towan-ai aku." Wo si Sërëm maja'. Ja marengo ka'itje' am baleera si Wulur. Mando-mai, ja sia mangem a si Tjolano, wo sia mangilëk sa ro'na indona pënana'an si Wawu' isia. Kuano i Tjolano: „Wueiën an isia!" Wueiëno an isia, ja sinowat(ë)nakë' in tana'i: „Sa ko wo ro'na mindo in sisim(ë)ku aitjatinëp an ta'asitj rararëman, ja aku masale' taneanu." Marengo si Wulur, WO ë nuwu' i Wawu' mangena itjua a si Pongkor. Kuano i Pongkor: „Woondo ko ja mai ambia, wo itu iwe'ekuoka iitjo." Marengo am bale i Inanga si Wulur. Jawoja woo-woondope' tu'u ja an ta'asitjo sia, wo sia tumowa si Pongkor: „O Pongkor, o Pongkor!" Ra'itja ure ambituo ka'i si Pongkor, wo ng kuanao: „Nio* kua'a iitu e." Ja iwe'e-mako i Pongkor a si Wulur ën sisim ; ja marengo si Pongkor, paalino ka'itje'-mangè i Wulur a si Wawu' ën sisim, Këpailëk(ë)kë' i Wawu' in iitu. ja sia masale-sale' eng kinaereanao n sisim(ë)na. Kuano i Wawu' a si Wulur: ^Eng ko nimakaereka in sisim(ë)ku, ja aku ma- sale'ka taneanu." Itjuaoka i Wulur a si Tjolano n aitjua i Wawü' an isia. Ja itjelóngkë' i Tjolano si Wawu' ën tanean i Wulur. Am pa'pa'an in tani'tu, ja itintjaso-mange i Wulur an do'ong walina si Wawu', wo sera mangereo wale paëna- ëna'anera ambitu.

Awoja ure-ureanoka n an somoi-ai iitu, ja mangeo lumële' si pënana'an i Wulur. Wo sia pailëkën i mateir a se sapi i Tjolano. Mailë-ilëkoka si wewene isia si Mateir a se sapi, ja ra'io re'e kata'neiana se patei-teirana, wo sera kuman in ti- nanëm e tow an do'ong iitu. Ilëkënoka e tow ën tinanëmera kinaa-kaapuo e sapi i Tjolano, ja mangeerao ipakata'u a si Tjolano si Mateir a se sapi isera. Towano i Tjolano si Ma- teir a se sapi isera, wo ng kuanao: „Kaitu-itu ipawajamukë' se sapitju ë makan in tinanëm e tow?" Sumowato si Mateir a se sapi: „Sapaka ng kinawalian wo iwajaku se sapi nitju- man in tinanëm e tow, ja am pa'pa' aku i mëilë-ilëkoka si wewene ësa, isiape' ë lo'or e si pënana'an i Tjolano." Siituoka si Tjolano mëkitowa si Wulur mënana' a si wewene iitu, wo indon i Tjolano mamuali pënana'ana si pënana'an i Wulur. Wo ng kuano i Tjolano: „Wulur! sa ko makalaput(ë)ka si tu'ura i po'po' anio', ja ko ra'itja to'tokëngku." Ja sapaka si tu'ura i po'po' iitu ja ra'itja toro palaputën e tow, si sei ë lumaput in iitu, ja matekë'. Siituoka si Wulur mange tumowa- mai si Pongkor wo itu sisilëna a si Pongkör. Kuano i Pongkor : „Tio'o mainde-inde' lumaput(ë)kë' ta'an sa ko an dangka'o-sa, ja mindo-mai këmbal ësa, wo itu irojor(ë)mu-mai, wo paalin am balemu, wo kimbengën-ange ën iitu." Jawoja marengo si Wulur, WO sia lumaput si po'po' iitu.

An dangka'oka sia, ja sia mindo-mai ësa këmbal, tanu in aitjua i Pongkor. Ja pa- alinao-mange am balena si po'po' iitu wo kimbengëna. Paka- kimbengëna-mako n iitu, tumowo-mai ambitu ësa wewene lo'or WO sia indona pënana'ana. A si makasa si pënana'an i Wulur makasake an tëtëngoan makasere se sapi i Tjolano. Ambituoka sia, ja sia pailëkën i Mateir a se sapi isera-, ja këilëk(ë)nakë'-mange isia, ja mangenao ipakata'u a si Tjolano si wewene isia. Kuano i Mateir a se sapi: „Sapaka aku, e Kolano, ja mai makata'u si Wulur, in sapaka sia ja waweano ka'i pënana'an ësa, isiape' ë lo'or e si pënana'ana-wo." Siituoka ipëkiindoo ka'i i Tjolano si wewene isia n a si Wulur. Kuano i Tjolano a si Wulur: „Sa ko makaindoka in dano mënoi-now, ja ra'itja patengku ko." Mangen ka'i an ta'asitj si Wulur, wo tumowa si Pongkor: „O Pongkor, o Pongkor!" Siituoka mai ka'i si Pongkor wo ng kuana a si Wulur: „Kaitu-itu ko?" Sisilëno-mange i Wu- lur an isia sapa ë nimamuali an isia. Kuano i Pongkor: „Sumakekë'-mai a litjur(ë)ku, wo ko paalingku-mange a si tana' wawean si Rano mënoi-now iitu." Kuano i Wulur: „Ta- ni'tu in tjatëkek(ë)mu, ja ro'na sakeangku?" Siituoka mawang- ko'o-mai si Pongkor isia, wo sia sakean i Wulur, wo sera lumaur. Malau-lauroka sera, ja si Pongkor mailëko ësa tana' an tajang. Siituoka ng kuano i Pongkor a si Wulur: „Nange kua'a si tana' wawean in Dano mënoi-now e." Itja- tëka'-mange a si tana' iitu sera, ja si Wulur itana'o i Pongkor. Pailëkëno i Wulur, wawean ësa wewene mëluku-lukut an tëmbir in saroinsong, wo wueiana si Wulur: „Mawisa ko?" Sumowato si Wulur: „Sapaka aku, ja mai mindo si Rano mënoi-now anio\" Eng kuano i Wewene iitu: „Sa ko mindo iaku pënana'anu, ja sama* ro'na mindo rano." Sumowato si Wulur: „Sama', e niindoo i Tjolano si pënana'angku-wo." Ja mindoo im bowong ësa si Wulur, warengana in Dano mënoi- now. Pakatu'tulëna-mako n iitu, ja sera in dua sumakeo a si Pongkor e marengo. Itjatëka'-mai an tana'na sera, ja si Ranoiitu paalino-mange i Wulur a si Tjolano. An tawioka im bale i Tjolano, ja itjalëpoko ëm bowong, iaka-akar in aitjatia' ën Dano mënoi-now.

Awoja mëmëndu-mëmënduoka si Wulur, am pa'pa'an sia ja patengkë' i Tjolano, en da'itja maali-ali si Rano mënoi-now iitu. Siituoka sia tumowa si Sërëm. Maio si Sërëm mëwuei : ^ Kaitu-itu- WO ?" Sumowato si Wulur: „Itjaupus-ai akii am pa'pa'an aitia'kukë' si Rano mënoi-now iitu. Ja aitjua i Tjolano sa, kine, ra'itja paalingku-mange an isia si Rano iitu, ja patena, kine, aku." Kuano i Sërëm: „Eng ko nitumawang iaku-wo, ja tawangëngku ka'itje' ko." Siituoka si Sërëm iitu mange tumowa- mai se kasërëm(ë)na, wo sera mai mindo si Rano menoi- now aitjatia' iitu, akar im pinakaindo-indoera, wo paalin-ange i Wulur a si Tjolano si Rano iitu. Janta'an se Wulur ja mainde- inde'oka ë maënto-ënto' a si ro'ong iitu, anaitu sera tumintjaso. Awoja sera in dua sumakeo a si Pongkor, mange an do*ong i Wulur, WO mangeo mënto' am bale i inanga. 

Akar(ë)kë' iitu.