Kukua Andior Si Pokol. Sisilen Eng Lambot.

I. Sapaka si Inang wo si Amang i Pokol ja tow lëngei. An somoi-mai in si Amang i Pokol i nimateo, ja sia anio' mamualio tow; sapaka sia, ja toja'ang tuama. Tumowo-mai sia, ja sia ra'itja wana kama wo keitjei tanu se tow. Awoja itji'it in da'ipe' wana-nlako ë nimamuali tani'tu a si ro'ong iitu, kaapa n am pakasa si tana' iitu, ja këkëlian se tow nimai nilumili, kara-karapi e wangko-wangko' wo se sija-sija' a si tana' iitu, ta'an sera nimaali-ali waja-mai ta- tamber, mai iwe'e si Inang i Pokol anio." Ra'io; pëwang- ko'on i Inanga sia aka-akarana i makailëko mënuwu-nuwu\ WO mai im baweano reke-rekenën. Ja sia anio' mëlinga-linga in ipakua an doro* in tjapal i mange wo mai an tana-tana' walina. Makata'nei-mai si Pokol anio' sapaka sia ja masale'muli-ulit sumengkot. Eng kuana a si Inanga: „O Ina\ sa itjasale'mu, sapaka aku ja masale' sumengkot." Sowatëno i Inanga: „O itow! sapaka itu, ja ra'itja ro'na wo mamuali, pa*pa*an ko ja ra'itja wana kama wo keitjei. 

Tumambisao ko WO ro'na mange an tana' walina? Mangeo matambi-tam- bisa ko? Anaituo wo ra'itja itjasale'ku ko n sumengkot.' Ta'an pinëiëse-iëse'kë' i Pokol, iaka-akar in tjinaki'itangkë' i Inanga. Kuano i Pokol a si Inanga : „Sa aku wo sumeng- koto ialer(ë)kë'-mai sangasaput watuna in tjapitu wo sangasa- put ëm batuna im bala'ang, wo ësa pagi', ësa pisow wo ësa pati. Maja'o tu'u ëng kapal, ja indono-mai i Inanga si Pokol wo ipumpunao-mio' am bantang, kara-karapi im batuna in tjapituo WO m bala'ang, wo m pagi', wo m pisow, wo m pati, pinëwali-wali waja ambitu. Pakatu'tulën-ako ja teinten- gënao-mange i Inö^nga a mange ë lawanan ; aiwëkar(ë)na am- bisa m patumpaan-ai e mantëros.

Pailëkëno e mantëros sia, ja se mantëros nimangaja'ka' am pa'pa'an sera in da'ipe' nimailëk-ako tow tani'tu. Numuwu'o si Pokol, ëng kuana: „Sa itjasale'miow, e mantëros, mange itju^-mange a si Tuang Kapëteng, sapaka aku ja masale' su- mengkot." Marengo tu'u-mange ang kapal se mantëros, wo ipakata'uera-mange a si Tjapëteng, sapa si aitjua i Pokol. Kuano i Tjapëteng: „Sama'! angeniowo-mai sia." Mangem ka'i se mantëros, mangeo-mai si Pokol. Janta'an dirior wo si Pokol paalin-ange ang kapal, ja sia mangilëko se mantëros, ëng kuana: „Sa aku a mangeo ng kapal-sa, ja tio'o iwëka- wëkar a mio' ën darëm, ta'an iwëkar(ë)kë'-mio' a mange n dangka'/ Ja n iitu kini'itan tu'u e mantëros. Itjatëka'o tu'u- mange sia, pailëkëno i Tjapëteng, ja si Tjapëteng nimanga- ja'ka' tanuka ka'i se mantëros. Ja si Pokol anio' aiwëkar(ë)- kë' tu'u an dangka', siitu kine sia ë mailëk se waja im bajapalangkoiënera, am pa*pa' sia ja kolëkoka ë nitjumësot-ange am bantang.

Moleo tu'u ng kapal. MajsT pira ngando si Pokol mailëk ësa punten. Sapaka si punten itu, ja ra'itja wana tow. Siitu- oka mangilëko a si Tjapëteng sia : „Sa roro'na, ja itumpao- mio' a si punten anio' aku, ta'an mangekë' iwëta'-mio* am paakaran in sonop." Ki'itano tu'u i Tjapëteng, iaka-akar iru'n-

du'nao se mantëros, maali-mange si Pokol a lawanan a si punten iitu. Itjatëka'-mange ja iwëkarerao tu'u a lawanan si Pokol, tanu im pinangilëk(ë)na. Marengo tu'u se mantëros, jan- ta'an sera nimawaja '-mange, ja nimarengkë'-mange in somoi WO makasere-mange si Pokol, am pa'pa'an sera ja talos mau- pus ë mata'nei si tow pokol isia, itëla'uo a si tana' kaluluan in tow. Ra'io, maja'o tu'u ng kapal wo mange nimakatajang. Ja kamang i pëtu'u-tu'usënoka-mange i Pokol ëng kapal, ja ng kuanao: „Pë'tare ng kapal pëtu'u-tu'usëngkuoka-mange, wo'ope'ka-mai isera i mailëk(ë)pe'-mai iaku." Siituoka sia mu- ka'o-mai in tjaraina. Pakawuka'ana-mako iitu, ja sia nimain- doo tow Walanda, tuama wangkër wo rangka'. Sapaka re'e m pokol ja karainakë'.

Awoja mio'o tumo'or-ai sia wo ipumpuna am bantang ëng karaina wo itu kipitënao-mai wo sia muntëpo-mange an talun. Muntëpo-mange sia, ja sia mindoo-mai im pisow wo sia mema' tërung; ën iema'na tërung, ja simbël, am pa'pa'an ën ambitu ja këkëlian simbël. Pakaema'ana-mako itu, ja sici mindoo-mai im pagi' WO iema'na karisoran api. Mando-mai sia mindoo im pisow WO sia maras uma; pailëkëna im bangko'o m pina- ras, sia mindoo-mai im pati wo itongkeina in tjaju. Ra'itja pira ngando n akar-ai iitu, pailëkëna nimapërao ng kaju. Si- ituoka n iitu ritjëtanao, akar in tjinaa-kaapu in api karapi e kaju wangkër. Mando-mai sia musëwo im bala'ang wo ng kapitu; këusëw(ë)na ja pinëkëmu-këmukë'. Maja' tëlu ngando^ pailëkënao maluluno; maja tëlu ngando nimëta'upo ë lalaina^ maja ka'i tëlu ngando, pailëkëna masëputo. 

Ra'itja nimaure- ure, ja waweano ë mëririan am bua*na. Siituoka sia mawaja-waja\ mailë-ilëk im bua'na in tjapitu WO m bala'ang. Mawaja-waja'oka sia, pailëkëna waweano m pakë'këtan e kawok. Mando ka*i-mai pailëkënao si tjapitu ësa ja tumawio kaapun i tjawok. Siituoka ng kuano i Pokol: ^A nde'e! ja tia'pe' wo ta'anangku, kaapunukë* re'e ng ka- pituku!" Ja mindoo-mai im pagi' sia wo iema'na ta'an in tjawok. Pakaema'ana-mako itu, ja ita'anao. Mando-mai pai- lëkëna nimindoo tu'u kawok, ta'an kawok wangkër, toka wawi. Pëpatenao wo'o sia, kuano i Tjawok: „Ampung, am- pung ! sa itjasale'mu tio'o pate-paten aku." Sowatëno i Pokol : „O ra'itja, karëngan ko em patengku, en iitjo si maindo in tjapituku WO m bala'ang." Eng kuano i Tjawok: „Itjaupus-ai, itjaupus-ai aku, tio'o pate-paten! Sapaka n iana, ja ra*itja wala*am bo kapitu, ta'an ën iana ja paser. Anaitu sa ko wo masale', ko iwalitju-mange am baleku paser." Sowatëno i Pokal : „Sama'." Siituoka ng kuano i Tjawok : „Sapaka ko ja tumimboitjë'-mai an ipus(ë)ku, wo mëngi'i-ngi'it iaku, am- bisa m pengkorangku, ambitu m baja'anu."

Maja'o tu'u sera, wo sumumpak-ange sera kawok tani'tuo ng kakëli. Ja si Tjawok wangkër makasa-kasa manuwu' ta*an da'itja kailëkan i Pokol sapa ën ipanuwu'na. Ta'an sanganu- wu'-mai i Tjawok wangkër, tani'tu ng karior se kawok ma- li'us-ange wo sera kumaset am pawaja'anera in dua, iaka-akar se kawok i nilumisi'doka n sangawiwi wo n sangawiwi. An iitu kailëkano i Pokol in sapaka si Tjawok wangkër anio' ja mapërenta. Mëmaja-maja'oka ka'i sera, ja sera itjasumpako ka'i-mange se kawok tani'tuo in tjakëli. An somoi-mai iitu, sera itjasumpako-mange a si lalan mëla'u-la'us-ange a si wale paser. Kuano i Tjawok a si Pokol: „Nange m baleku!" Më- maja-maja'ka tu'u sera itjatëka'o-mange a si wale iitu. Pailë- këno i Pokol si wale itu ja paser, tumo'tol an ari'i tumbal im buwungan. Karapi in tjantil wo ë meja wo m bangku, ra'itja wana nigutnaet ta'an paser ipakasa. Siituoka sera su- mosor-ange a logos wo sera muntëp am buni wo mareng ka'i-mai a logos. 

Mëluku-lukutoka atnbitu sera in dua ja ng kuana i Tjawok a si Pokol: „Sapaka m balaam bo kapitu, ja wowoso, anaitu ko ja marengo-mange wo tnangeo tipu'un; sa itu pinakatipu'muo-sa , ja uwitëno-mange a lawanan wo mange iëlur sumama-satna* am pa*pa'an sa ituo pinakaaler(ë)- muo, ja tani'tu ng karior wawean kapal lumangkoi. Ja sa lumatigkoio ng kapal-sa, towanu-mange wo ipëkisakemu-mange ambitu ng kakëli in tjapitu wo m bala*ang. Ja takura m pa- ngilëkën i Tjapëteng in sakean in iitu, ja iwe'emu-mange n ësa kapitu, janta*an ën iitu ra'itja kapitu kaapa wala*ang, ta'an paser. Wo sa itu aitjatëkao-mange an tana'mu-sa, ja tëla'uan-ange limangapulu' n a lawanan; se akar iitu japa- kaali-alinu waja-mange a lesar im bale i Inangu. Janta'an dirior(ë)mu wo maja' kumembut-ai se tëlu kumi an iaku. Sa itjatëka'o-mange-sa, ja indonu si tjumitju wo isusul-ange an api WO ilëindëm-io* an ta'asitj, siitu ng kailëkangku in tjo in aitjatëka'o.'

Awoja marengo tu'u si Pokol, mangenao pailëkën wowoso ng kapitu wo m ala'ang. Siituoka tipu'unao wo uwitëna- mange a lawanan, mangena ëlurën ambitu, akar im bawean kapal lumangkoi, tanu in aita'ar i Tjawok an isia. Pakaëlu- rëna tu*u-mako m baja se itu, lumangkoio wo'o ng kapal. Tajange' ^ng kapal, parangatënao-mange akar tu'u i nimënto.' Eng kuanao a si Tjapëteng: „Ro'na sakean im paser(ë)ku ?" Sumowato si Tjapëteng: „Sama'." Siituoka ja isakeerao ëm paser. Ipakasake-mako, ja pailëkëno, nitumë'tëpoka n sanga- wiwi in tjapal, am pa'pa an in tani'tuo in tjakëli ëm paser. Ja kumi'it tu'u in ta'ar i Tjawok, weanao-mange ësa si Tja- pëteng, tëlës in sinakean im paser(ë)na.v Tani'tu maja'o ng kapal. Sumuwa'o-mange ëng kapal, itumpaerao ëm paser i Pokol. Ipakatumpaera-mako m baja in iitu, ja mangem a si Inanga si Pokol, mange kumua: „Sapaka aku, ja nimarengo- mai." Tani'tuo in tjarior sera mange a lawanan, wo mangeo muwit-ai im paser, mai ipawëkar a lesarera. Ta*an diriorera WO muwit in iitu, ja aitaneo se lima ngapulu'-wo. Pakauwitën- era-mako si tëla'u iitu, ja si Pokol marenge' ka'i-mange a lawanan, mange imëngat se lima ngapulu' aitela'u. Mange sia, ra*io tu'u wana tow ën a lawanan.

Siituoka sia mindo-mai in tjumi i Tjawok wo isusul(ë)na- mio' an api, wo ilëindëm(ë)na-mio' an ta'asitj. Indona ka'i-mai ng karaina, wo karaiëna. Tani'tu nimaindoo ka'i Pokol sia. Ra*itja nimaure-ure, kumësoto-mai si Tjawok kara-karapi e riwu ng kakawok(ë)na. Kuano i Tjawok wangkër a si Pokol :„Sapaka aku ja ambia'io; ambisao n to'oran im bale?" Kuano i Pokol: „A si lesaro anio'." Kuano ka'i i Tjawok a si Pokol: „Ituru-turu'o waja-mai sapa si tjasale'anu." Itjakuao tu'u i Pokol sapa se itjasale'na. Siituoka iru'ndu'o i Tjawok wangkër ëm baja se kawok karapina. Tani'tu ng karior se kawok mema' si wale iitu. Pinëma'i-ma'ilonganerakë' wo ni- mamualio wale. Sapaka n ipapa'ilongera ja paser(ë)kë' ka'i. Siituo si paser aitela'u i Pokol a lawanan, ta'an tinulierakë'- mai i nitjuman. Taporak ulit ëng këema' e kawok si wale iitu, wajakë' im po'ow i ëndo. Sapaka si wale itu ja paser- (ë)kë' waja nitumo'tol an ari'i tumbal-ange im buwungan wo m baja in an sangkum i wale itu ja paser ipakasa. A si wengitjë' iitu marengo se kawok.

2. Mando-mai pailëkëno e tow a si ro'ong iitu si wale iitu, ja sumela-selap, iaka-akar mangaja-ngaja'ka' waja se tow en toka ëndo-ëndoan, ma'angka wo'o im bëngipe'. Ra'itja ure n an akar-ai iitu ja si Pokol masale'o tumane. Kuanao a si Inanga: „Wo Ina'! sapaka aku ja masale'o tumane."Sumowato si Inanga: „Itu ja sama'." Siituoka iru'ndu'nao si Inanga, ëng kuanao: „Sapaka ko, e Ina', mange a si Tjolano, wo wueiën-ange sa roro'na aku ja masale' tumane a si ësaan-ange a se anak i Tjolano." Mangem tu'u a si Tjolano si Inang i Pokol, wo mange kumua in sapa si aitjua i ana'na. Sowatëno i Tjolano : „Sama', ta'an mange alin-ai sia/ Marengo-mai si Inang i Pokol mai-mange isia, wo sia teintengëna-mange am bale i Tjolano. Itjatëka'-mange, ëng kuano i Tjolano: ^Kënu se ana'ku siow ëm bewene. Ta'an itji'it in tjanaramën, si matu'a ng katare wueiën." Ja si Pokol anio' maali-ali tëtënga'an paser. Ja si sei si mindo in iitu, isia si taneana, kumaapa maindo pënana'ana. Mueio si Pokol katare a, si luluna. Janta'an si Luluna nisumowat: „E, iitjoo wo tu- mane a iaku! pokol ja uanu!" Mai tja'i a si Tjumarua tani'tukë' ë nuwu', wo nimëngasa-ngasar(ë)kë' tani'tu waja se uwalu. Kasiowoka ja sia si nimasale' wo indonao-mange si tëtënga'an paser itu. Sapaka si Tjaakaran anio* ja ipasero' e kaka'na pa'pa'an kine sia i nimasale' tanean i Pokol.

Siituoka ja pangilëkeno i Pokol a si Tjolano, in sa roro'na, woondo sera ja tumaneo. Sowatëno i Tjolano: „Ja, itu ra'ipe' mamuali pa'pa'an da'ipe' aler ëng kanen wo n ëëlëpën e niënot." Numuwu'o si Pokol: „Ja itu, e Tuang Kolano, ra'itja wëndu ë mëaler, asal(ë)kë' wo se mateir ang kakanën ën alerën/' Ja itji'ito i Tjolano ambitu. Si upusoka i Tjolano si Pokol, ja sia turu'anao ësa wuni wo tëkëlana a si wëngi iitu, ra'io aiwe'e i Tjolano nimange am balena. Numuwu'o ka'i si Pokol ëng kuana a si Tjolano: „Sa itjasale' i Tuang Kolano, wawa'ando ja iëpe', sa ulit(ë)ka si aitjuaku kaapa ra'itja." Ki'itano tu'u i Tjolano, wo sia mënot se Wangko-wangko', mai tjuman am balena a si wawa'ando. Itjaiwëngi-mio' ja si Pokol kumua a se Kolano in ambalesa wo se anak i Tjolano tana'i: „Sa roro'na, muntëpe' waja am buni-wo, wo ra'itja wana ësa maai-ai ang kësot." Siituoka muntëpo waja am buni sera, ma'an ka'i si Pokol wo si Inanga nimuntëp(ë)kë' -mange am bunina. Ambituoka sia ja sia kumakaja, ëng kuana: „Kësotan-ai in tjakanën wo n ëëlëpën wo sapakë' se itjaewe e niënot!" Mangeo tu'u ëngatën ën a meja, ja alero waja ng kakanën wo n ëëlëpën wo m baja se itjasale' e niënot. Siituoka sia rumu'ndu' si Inanga mange tumengkor im papalën im buni e Kolano in am balesa, wo m buni e anakera. Kumësoto tu'u-mai sera, ja sera mailëk in am bawo i meja, ambituo waja ng kakanën Wo n ëëlëpën.

Muntëpo-mange si Inang i Pokol, wo si Pokol sumawëlo in tjaraina itëla'unao-mio' am buni si tjaraina pokol. Kumësot-ai sia, ja • nimawalandao ka'i wo tuama rangka' em bangkër. Pailëkëno e uwalu anak i Tjolano sia, ja sera marengo-mange am buniera, wo mange mëngame-ngame', e manësël muli-ulit, am pa'pa'an sera ja nimare'ekë' si Pokol, ënta'an sia ja ra'itja re'e pokol, ta'an tuama re'e lo'or.

Ra'itja ure ja kumësoto-mai se tuan-tuang niënot i Tjolano. Ja kumano tu'u se tuan-tuang. Janta'an si pënana'an i Tjolano ra'itja ki'im tjuman, en da'itja nilumukut kara-karapi e tuan- tuang si Inang i Pokol, wo se uwalu mangala'un ra'itja ka'i tji'im nilumukut, anaitu ng kantil, se nilukutanera wo'on, ra'itja nilukutan. Makakan-ako se tuan-tuang, ja ipapaangkaio waja i Pokol ën am bawo i meja, wo sia muntëp ka'i-mange am buni, mange ka'i tjumakaja kakanën. Makakaja-mako sia, ja papakësotënao si Inanga wo mange lumukut-io' karapi i pë- nana'an i Tjolano. Ja wisao ë giona e kakanën am bawo i meja a si tjatarepe', ja tani'tuka ka'i se ipakaompëro.

Mando-mai ja si Pokol wo si Wawu' pangilëkëno i Tjolano i lumëkëpo in ta'arera in tumane. Jawo si Tjolano mënot se tuan-tuang am bawa' im peren tana, wo se sij-sija\ aka-akaran si Tjolano i nimema' lawi nialer(ë)na kanan e tow tani'tuo in tjakëli. Mali'uso tu'u-mai m baja se niënot, ja si Pokol kuma- kajao ka'i tjakanën. Ja wisao ka'i ë nimamuali a si tjaawi'i, tani'tuka ka'i ën a si oras iitu, ë nimëgigioanoka ng kakanën WO n ëëlëpën. Makakan-ako se tuang, iwali-mangeera am bale i Pokol si penana'ana.

Tëlu ngando n an somoi-mai iitu, ja si Pokol sumengkoto ka'i, itëla'una-mio' am bale si pënana'ana, a si Inanga. Ra'itja pira ngando n an somoi-mai in tjësengkot i Pokol, ja si pëna- na'ana ipëtenao e kaka'na uwalu, in sia in iwilangerao wo'on, pa'pa'an sia ja panganatënerao, en isiakë' n tinanean i Pokol. Siituoka towano e kaka'na si pënana'an i Pokol, wo sera mange tumamberen an tatamberenan an tëmbir in ta'asitj. Ja kumi*it in tetenaera, ja sa si Tjaakaranera matambereno, ja sia ituke- eraomange rumëpë-rëpët an ta'asitj, wo siitu sia ë malësëm. Maio tu'u in tumambereno, ja si Luluna n dirior wo pëngi'i- ngi'itan-ai, tumbal-ai si Tjaakaran. Tumambereno si Tjaakaran, ja sia ipatukeera-mange rumëpë-rëpët an ta'asitj, iaka-akar sia i mëkia-kiampungoka, ta'an ipakarëpëterakë'.

. Siituoka si pënana'an i Pokol itjapë'pëso-mange a si ësa punten ra'itja paënto-ënto'an in tow. Ambituoka sia, ja sia lumaput a si tjaju an tëmbir i lawanan wo mënganko-nganko', ëng kuanao: „Kusoi, Kusoi! aku e! ën aitaju-mai i tjaka'ku Rintjitan/' Endo wo m bëngi ja siitu n ipëngangko-nganko'na an sangkum i rua ngasërap am puru'na i tjaju iitu. Sapaka n an tutuw iitu, ja sia ra'io nimakan. An somoi-ai iitu ja pailëkënao-mange wawean kapal maai. Siituoka sia mangko' ka'i ëng kuanao: „Kusoi, Kusoi! aku e! ën aitaju-mai i tjaka'ku Rintjitan." 

Makatawio tu'u-mai ng kapal, ja si Pokol makasake ambitu. Palingano i Pokol im bawean ë matu'ul i ngarana, ja ipëkiënto'na ng kapal. Tumumpao-mange sia, mangena pailëkën wawean ësa tow am puruk in tjaju. Sapaka sia, ja worungoka ulit wo wageioka, tanuoka gio e nimateo. Anaitu sia pëtu'u-tu'usënaoka, tawioka ra'io katu'usana in isia si pë- nana'ana. Katu'usana-mako sia, ja si Pokol maiipuso muli-ulit isia, WO sia mangena kë'këpën-ai wo sera maame'. Siituoka sia iwalinao-mange ang kapal. Awoja sisilëno-mange i pënana'an i Pokol a si Pokol, sapa ng kinawaliana wo aitjawe'e-mai a si punten iitu. Itjatëka'-mange ang kapal, ja weano i Pokolkanen sia, sapa-sapakë' si itjasale'na. Jawo mindoo-mai ësa pawean in doko' si Pokol wo itjësot(ë)na se roko' ambitu, wo weana pasëngoran in asëng. Pakaema'ana-mako itu, ja ipum- punao ambitu si pënana'ana wo kara-karapi in tjakanëna. Itjatëka'o-mai am balena si Pokol, ja ng kuanao: „Si pawean in doko' anio' ja pinumpunan in doko', anaitu paalin-ange ang karapi in ti'tir, oreoka malewo'.'' 

Ambituoka sia, eng kuanao a si Inanga: „O Ina', ambisa si pënana'angku?" Sowatëno i Inanga: „Sapaka sia, ja tinuli-mai e kaka*na; akaroka-mai litu, sia ra'io pinailë-ilëk(ë)ku-mako.'' Eng kuano i Pokol: .SamaM" Siituoka sia mange a si Tjolano, wo muei sa am- bisa si pënana'ana. Sowatëno i Tjolano: „Siituo ng kinawalian e toja*ang anio', wo niares(ë)ku.'* Wueiëno ka'i i Pokol a se anak i Tjolano, sa ambisaka si pënana'ana. Sowatënerao: „Ja ra'itja kailëkanami, sa sia ambisa." Maio in tjuman, waja isera nilumukut kara-karapi i Pokol. Tumo'tolo kuman, si Pokol mueio ka'i sumawël, sa ambisa si pënana'ana. Janta'an mëngelo-ngelongkë' waja se uwalu mangala'un. Siituoka ng kuano i Pokol : „Itji'it re'e in tani'tu ja kamu aresëngku." Siitukë' ë nuwu' i Pokol. Ra'itja nimau- re-ure ën akar-ai iitu, ja si Pokol numuwu' tana'i: „Timbong- timbong ëng kakanan, timbong-timbong ëng kakanan." Siitukë' ë nuwu' i Pokol, ja lumengketo-mange am biwiera m piring ka- rapi in tu'tu' wo n sera'. Siituoka ng kuano i Pokol a se Kolano in ambalesa : „Sapaka aku, ja mangepe' mangere-mai si pënana'angku, sa sia kaerangkupe', anaitu aku sumengkote' ka'i." Ja indonao-mai m pinumpunana si pënana'ana wo sia sumengkot. Tëlu ngando ng kaurena i nisumengkot, wo ma-reng-ai. Marengo-mai sia, ja nimëgigioanoka ng kulintang wo se patengem balina. Anaitu tajange'-mange ng kapal ja pa- lingano-mange e tow a si tana' iitu, iaka-akar këkëlian se tow WO se tuan-tuang mange nilumili am tëmbir im pasuwa'an in tjapal.

Itjatëka'-mai si Pokol ja sia nimëla'u-la'us a si Tjolano. Ra'io nitjumëli nuwu' si Tjolano, ta'an kuanao a si Pokol: „Sa itjasale'mu, ja itjooka ng kolano, asal wo wuka'ano-ma- nge m piring am ba'mba' e ana'ku, am pa'pa'an aku mau- puso muli-ulit isera." Kuano i Pokol: „Sama' sa tanu i nu- wu'mu, ta'an dirior wo n iitu mamuali, karëhgan ën iitu ipa- kata'u am baja se am bawa' im përentamu, in iakuoka ng kolano." Ipakata'uo tu'u si nuwu' iitu am baja se tow, iaka- akar i nimasale' ëm baja se tow. Siituoka ng kuano i Pokol : „Timbong-timbong ëng kakanan! Timbong-timbong ëng ka- kanan!" Siitukë' ka'i ë nuwu' i Pokol, ja maindoo tu'u-mai waja tn piring am biwi e uwalu mangala'un anio\ Tani'tu si Pokol nimamuali kolano. Ja se uwalu mangala'un anio' nimënto' waja ang kama i Tjolano, wo malinga-linga sapa ën itjua e ambalesa. Ja sera anio' ra'itja aipawe'e-we'e i Tjolano tinanean akar i mate. Siitukë'.