Sapaka se Mëtuari anio' ja tuama, wo lëngei e lengei. Sera
ra'io wana inang wo amang. Anaitu si Ito'eraoka wo'o ë matei-teir an isera,
ta'an sera ra'itja pinana'neina; ta'an iparu'mba-ni'mbajanakë', iaka-akar
mawangko'o-mai sera, ra'itja sapa m pinatawoiera [mëndondo, mangekë' mëmito-mitong
in sinduk ipatia e mara'as.
Makëli-mako n sinduk pinitongera, ja mangeo kumuku sen-
de'en sera, wo mindo mata' nonoanera in sinduk. Ja sera mëngasa-ngasar tani'tu
susur in ëndo. Maioka a si makasa an unërera i nimapo'ow i mata', ja awean
lumelempar mënenge-nenge an darëm in tju'ung an tawiera, makua in tana'i:
^Kekekow! aiën-ange aku, e Më- tuari, WO mulinga'." Ja, ë ngaran i
lumelempar isia Kekekow, lumelempar tëkis mëngaënto' makakéli-tjëli an unër im
bene', kasale'enoka ë giona, kaupusënoka n ipakatengena. Mënenge- nengeoka sia,
ja mangeerao pangusuiën an darëm in tju'ung, WO paalinera-mange am bale.
Ambituoka ka'i sia tumenge: „Kekekow, tutuwën am ban- tang
aku, wo mulinga'." Tutuwënerao tu'u sia. Ra'itja ure tumenge ka'i sia, ëng
kuanao: „Kekekow, wuka'an aku e Mëtuari!" Siituoka wuka'ano e Mëtuari;
pailëkënerao, ja ni- mawutao im bene' ëm bantang. Ja malintëro sera. Mawawa'-
andoo tumengeo ka'i si lumelempar, ëng kuana: „Kekekow! iwe'e an sangkor aku, e
Mëtuari, wo patutuwën ëm bëngi." Mando-mai tumengeo ka'i sia, ëngkuana: „
Kekekow, wuka'an aku, e Mëtuari, wo iiëkëno-mio'." Paiiëkënerao tu'u n
sangkor ja nimatiruwo im bene' lo'or. Ja ra'io ipakakua ng kasa- le'anera i
Mëtuari, makasere im bene' an sangkorera. Awoja pinangene-ngenet i Tjekekow
tani'tu kasusur in ëndo, akaran i nimawutao im bene' sama' ëm baleera i
Mëtuari.
Ja itjarëgëso a se makali'tjir, sapaka m bene'era ja sa'alo.
Anaitu maio ira'nda i Ito'era sera. Ja itjatëka'o-mange sia, mangaja'ka'o-mai ë
nimailëk im baleera tawio irë'mba im bene'. Ja se makaito' isia panganatënao wö
ng kuana: „Ja nirumombito karu' kamu?" Sumowato se Mëtuari: „Ra'itja, e
Ito' ; ta'an mai milëk si mawulinga' se wene' aniö', sia ja ambia'i."
Makakontoioka se makaito' am bineanera si lume- lempar en si Ito'era
makasereoka i makali'tjir ang karapi i mëngawë-ngawës ëng kaewean im bene'era
tani'tuo in tjasa'al, ja tumengeo tu'u-mai si Tjekekow ëng kuanao: „Kekekow!
tutuwën am bantang aku, wo mulinga'."
Ja tutuwënerao ka'i. Ra'itja ure,
kuano ka'i i Tjekekow: „Kekekow! wuka'an aku, e Mëtuari!" Wuka'anerao tu'u
sia. Pailëkëno i Ito'era, ja ma- karëpëto ng kanat(ë)na isera, wo ng kuana:
„Ja! ulit tu'u re'e! Uanu tare, iwe'epe'-mange an iaku-wo, e makaito'!" Ja
itu kini'itanera ëng kuanerao: „Sama', ta'an oreka iwaja e Ito'." Marengo
tu'u si Ito'era, irapinao si lumelempar. Ja a ma- ngeoka m bale sia, tumengeo
ka'i si Tjekekow, ëng kuanao: „Kekekow! tutuwën am bantang aku, wo
mulinga'." Ja përiorëna- mio' in tumutuw i ni'u si lumelempar am bantang.
Ra'itja ure kuano ka'i i Tjekekow: „Kekekow! wuka'an aku, e Ito' e
Mëtuari!" Kaitenge-mai i Tjekekow, ja mapala'uso wuka'ano, ang karapi i
masale-sale' e makaere kamang. Ja pailëkënao n am bantang ra'itja wene',
wajakë' in tataokok. Pailëkëna- mako in tataokok(ë)kë', ja siituo ë nirumango
isia, wo si lumelempar indonao wo patena, akar im pinakasëra-sëra'na. Ja waja
in du'i aitia'na-mio' an amporan.
Talali' nimaja'o n ëndo ra'io wana ng kailëkan-ai e Mëtuari
a si Tjekekowera, ja sera martgeo a si Ito'era, wo muei si Tjekekow. Kuano i
Ito'era: „O, sapaka sia ja sinëra'kuo am pa'pa'ana in da'itja mawulinga' im
bene', mawulinga'kë' in da'itja pakanën/' Këilingakë'era si nuwu' itu ja
matëkuro sera WO maame'o en sinëra'o si matawang an isera. Maame'oka sera, ja
ng kuano i Ito'era: „O inde' kamu, e makaitoM paa- me'aniow re'e si ra'itja
wana katoroan, wo ipapiaitjë' se tow." Sumowato se Mëtuari: ,,Sa itjasale'
i Ito' ja iwe'e-mai n du*i wo umungënami." Indonerao tu'u an amporan ën
du'i, wo mangeera iusëw an talun. Ipakausëwera-mako n itu, ja wean- erao ta'ar
ëng kuanerao: „Katëluan ngando ja kami mai." Kumawus-ako tëlu ngando,
mangem sera; pailëkënerao, ja nitumowo.
Tuma'aro ka'i sera: „Tëlu ka'i ngando
ja kami mai."' Maierao pailëkën, ja nime'eo pangana wo lalaina. We- anerao
ka'i ta'ar: „Tëlu ka'i ngando ja kami mai." Maio ka'i sera, pailëkënerao,
sapaka ë lalaina i tjaju itu ja kapas lëme'. Tuma'aro ka'i sera : „Tëlu ka'i
ngando ja kami mai." Katëluan tu'u ka'i ngando, ja sera maio, pailëkënerao
ja nimua'o. Em bua'na i tjaju itu, ja kulintang wo momongan wo kelana; sawo itu
rëgësan-ai, ja itengena-mai ; n tengena lolo'oran, tanuoka pëlinga-lingaan-ange
im pëngatengen e mapëli'i ang kambung. Ja a si ëndo itu se Mëtuari ra'io
ipakakua n aaru- iënera, en sera nimawa'ilano.
Kalingaano i Tjolano in se Mëtuari nimawa'ilano, ipëkiilëk-
(ë)nao se malukar sa sapa ë nimange-mai isera wo nimawa'ilano. Ja ra'itja wo'o
itjua e Mëtuari, ta'an ipaënë-ënëperakë' wo*o a si Tjolano. Pa'pa'an im
paware-warengënoka-mio' i Tjolano i mëmue-muei, ja itjuao e Mëtuari a si
Tjolano ëng kuanerao: „Oreka itjua i Tjolano kami anio' ja marombit(ë)kë' , ja
si Tjolano in ësa mange milëk an talun si tjaju paupu'anami se kana'an
iitu."
Pailëkëno i Tjolano ja ulit. Eng kuano i Tjolano: „Kumi'it
in iaku ng kolano, wo makaanu in tjëtër an ipakasa in ti- nambar e tow(ë)ku, ja
iakupe'-wo ë maupu' se kana'an anio'." Ta'an da'itja ki'im e Mëtuari. En
itjare'ekë'era, ja ma'mbowo si Tjolano wo iru'ndu'nao se malukar(ë)na makatëlu
siow, mange tumongkei si tjaju itu. Mangem tu'u sera, wo tong- keiënera, ta'an
ën iitu ja ra'itja kinatongkeianera am pa*pa'an mënongke-nongkeitja sera, ja
aitjawaluio uwasei. Nimamuali uwasei si tjaju iitu, karangoano makauli-ulit si
Tjolano, wo ng kuanao a se Mëtuari: „En se airu'ndu'ku ra'itja makatong- kei si
tjaju iitu, ja itjamuo ng karëngana mërior tumongkei in iitu, en sa iitu
ra'itja katongkeianiow ja kamu pëmë'di-më'di- sëngkuoka akar i marai'."
Tani'tu si Tjolano nimanginde' isera, ta'an sera ra'itja nimaliei.
Tumarepe'kë'-mai itëwa'era tëtëwa\ wo isu'upera si tjajuera
akar in itjarë'mba. Rumë*mba-mako si tjaju iitu, ja tapeoka si Tjolano, wo ang
karapi i mënginde-nginde' kuanao an isera: „Itji'it in da'itja kaindoangku an
itjamu si tjaju anio\ ja timboiëno-mange ng kakolanoangku . ' ' Tani'tu se
Mëtuari anio' nimakar a niniaindo kolanö.
Awoja tananao m pinëngata'nei e kowinsom-bo i maupu' an
doro' i Tjekekow wo se rua Mëtuari am biwinsbnënera :
Kekekow !
Kam beru, wa'ilan!
Nitjumapei se rua Mëtuari,
Kam beru, wa'ilan!
Si Tjekekow wo si Wëris,
Kam beru wa'ilan!
Kumale'kew im bene'.
Kam beru \ya'ilan!
0 komentar:
Posting Komentar