Kaindo-indono-mai si wewene ësa ja makaanak ësa anak tuama,
ningaranana sia Repi. Mawangko*o-mai si Toja'ang isia, iru'ndu^o i Inanga mange
tuma'tak-ai tambëlang panono- anera. Siituoka mangeo tuma'tak si Toja'ang isia.
Ja këpa-rak(ë)nape'-mange im bowong ësa, ja pailëkëna-mange ëm bu- linga' ësa,
wo itu indona, paalina-mange am bale, iwe'ena am bakul paweana in tjarai, wo
sia mangeo tumawoi.
Mawëngio-mio', ja mangem am bale sia milëk im bulinga'
aiënëp(ë)na am bakul. Itjatëka'-mange, ja pailëkënao si ësa wewene am bale. Ja
ng kuano i Wewene iitu : ^Kua'itu ko mangere-ngere im bulinga' iitu? pinëte'kuo
kua'a ën iitu, en iitu ja waleku. Ta'an en iitu ë niindomu, ja iitjoo ë mënana'
an iaku." Mando-mai ja lumangkoio si Anak i Tjolano, wo sia mailëk si
Wewene isia makalukut an tëtëngoan. Siituoka muntëpo am bale i Repi si Anak i
Tjolano, ta'an airintuk(ë)kë' i Repi, WO sia mareng am bale mange-mai suraro
sangapulu\ mindo si Wewene pënana'an i Repi.
Awoja se suraro nisumumpako-mange si Repi i matongkei in
tjaju an tëmbir im bale. Siituoka mangenao itjua a si pë- nana'ana. Kuano i
pënana'ana: „Tio'o mainde-inde'." Ja ku- mësoto am bale si pënana'ana
mange a lesar, wo sia mangko' : „Apo-apo'ku in dior! sa kamu ulit apo-apo'ku,
ja iema'-maiwenten ësa a li*tjir i lesar." Mailëkoka in iitu se suraro, ja
marengo sera, wo itu mangeera sisilën a si Tjolano. Siituoka iru'ndu'o i
Tjolano waja se surarona mange mindo si Wewene isia.
Janta'an lumutawo se
suraro, ja numuwu'o si Wewene isia: „Waja se ipalutawera ja mange ambitu."
Awoja ambisa ëtn pinaturu'an i Wewene iitu, ja ambitu ëm paangean i ipa-
lutawera. Pailëkënera-mako in da'itja kaindoanera ëm benten, ja sera marengo.
Marengo sera ja ng kuano i Wewene iitu a si Repi: „Ambisa-wisa ën angeanu, ja
paalinukë' aku en sapaka aku ja ro'nakë' ka'i muntëp sumawël am bulinga'."
Am pa*pa'an sera i mainde-inde'oka mëngënto-ngënto' a si ro'ong iitu, ja sera
mangem an do'ong walina wo mënto'o ambitu.
0 komentar:
Posting Komentar