Sapaka si Rumangu wo si Rameitjau', ja mëngënto-ngënto' an
Dumo'ong, ja sera in dua mëontolan, ta'an makakëli-tjëli sera mëmënsuluan-io'
tani'tu wo makakëli-tjëlika mëmëléloan en da'io ipakakua-mange ë lëloera. Kaindo-indono-mai a si makasa ka'i pinësuluan i Rameitjau'
si Rumangu wo ng kuano i Rumangu: „Inde'! sa ko mësulu- sulu-mio' tani'tu an
iaku, ja aku tumintjas(ë)kë\" Sowatëno i Rameitjau' : „Sa ko tumintjas,
tondongangkukë', mande ambisa ën tintjasanu." Niulit re'e i Rumangu ë
nuwu'na, en sia n tumintjaso, kumi'it wo sumalu'suk-eko in dojongan in Dano i
Apo'. Këkailëk-ai i Rameitjau' in si Rumangu nitumintjaso, ja tondonganao, wo
ëngatëna sia, ja pailëkënao ang keitjei ja si Rumangu nisumë'sëk-eko in Dano i
Apo'. Pëngi'i-ngi'itëna se tu'us in tjeitjei iitu. Mëmaja-maja' si Rameitjau',
akar i makatajang, wo mailëk si ësa kosei, wo wueiana sia: „E kosei, ra'itja
nimailëk si Rumangu ko?" Sumowato si Tjosei: „O inde', nilumangkoio
tarepe' sia, nitjume'os re'en an iaku, serenu kua'a-mai ën ipus(ë)ku, lëmparoka
eng kinake'osana." Awoja siituo ng kinatu'uran-ai wo n ipus e kosei ja
lëmparoka,am pa'pa'an ën ipusera-wo ja purengkeitjë'.
Këlinga i Rameitjau' in si Rumangu ja pinailëk i Tjosei,
kua*a sia ë mamorako maja'. An tutuw(ë)na i mö,waja\ ja sia manani tana'i: „Rumangu, Rumangu! ënto'an, ënto'an si Rameitjau!, em
bënduo, ei!"
Makanani-mako, ja sia mailëko ka'i si Tili'tjir, wo wuei-
ana: „E Tili'tjir! ra'itja pinailëk(ë)mu si Rumangu?" Eng kuano i
Tili'tjir: „O inde', sapakë' aku wo makatili'tjiroka, tinulina kua'a
tarepe'." Ja am pa'pa'ano iitu wo se tili'tjir tani'tu m bawangunan,
niange-mai in tinuli i Rumangu, e in dior-wo sera ja makarondor(ë)kë'.
Maja'o ka'i si Rameitjau' wo numani tanu si aipananina
tarepe' : „Rumangu, Rumangu! ënto'an, ënto'an si Rameitjau', em
bënduo, ei!" Mënani-nanioka sia, ja sia ka'i mailëk si Tjumëkëpa wo
wueiana: „E Kumëkëpa! ra'itja pinailëk(ë)mu si Rumangu?" Sumowato si
Tjumëkëpa: „O inde', sapakë' aku wo maka- këpaoka am batu, aitjasu'su' kua'a an
iaku sia, wo aku aitja-wangkil-ai." Awoja siitu ka'i ng kinawaliam bo se
patu'ulën kumëkëpa ja makalengket(ë)kë' kaapa makakëpakë' am batu. ja i mande
ang karëpëtan in dano, sera ja ra'itja itjarojong, ta'an makatangka'kë'.
Maja'o ka'i si Rameitjau' wo numani tanu ka'i se aipananina
ririor. Mailëko ka'i warukus i lëpo sia wo wueiana: ^e Warukus! ra'itja
nimailëk si Rumangu ko?'' Sumowato si Warukus: ^O inde', nilumangkoio tarepe'
sia, wo aku aitë'tëp(ë)na a lëpo," Ja siituo ë nimange-mai wo ëm
paënto-ënto'an e warukus anio' ja a lëlëpoangkë', iaka-akar sera patu'ulëngkë'
: „lëpo/' Maja'o ka'i si Rameitjau' wo numani ka'i wo'on, ta'an pali-
nganao patondongangkë' i Warukus nuwu' ng kuanao: „Ni- sume'pang-ange ambana
sia, nimange, kine, am balena en ambana ëm balena." Siituoka ki'itano i
Rameitjau' ë nuwu' i Warukus ; ja ra'io tajang ëm binaja'ana-mange wo-
pailëkënao ëm bale i Rumangu. Awoja angen i Rameitjau' ja makaëna' witu sia.
Mëmailëkan-ange sera, ja sera mëngkë'këpano, wo ra'io ipakakua ëng
kasale-sale'an i Rameitjau', eng kinaere- anao si Rumangu. Numuwu'o si Rumangu
ëng kuanao: „Me'e, kakajanta!" Këkakajakë' i Rumangu, ja mëruto-mai ën
uran dëpët, ra'io nimapo'o-po'ow ën a si sangando wo sangawëngi, iaka-akar sera
in dua aitjawëimbën am bale i Rumangu. Mënës-ako ën uran, kua'a ka'i si Rumangu
ng kumakajao; ëng kinakajana ja kareta kara-karapi e kawajo ambituo. Siituoka
sera mëngkuanano i marengo an do'ongera, wo mio' pailëkën e po'owera sera ë
nitumaneo. Ta'an sera rumondakë'- mio' in tjareta, ra'io nimaja'. Tani'tu sera
sumakeo ang kareta e mio'om. Itjatëka'-mio' an Dumo'ong sera, ja
itjakaja'ka'kë' e po'o-po'owera in sera ë nimarenge'-mai em pa'pa'aii sera
pinaere-ereera ra'itja kinaerean, ^o'ope' itjakaja'ka'era i ma- kasere si
Rumangu nimasija'o, aweano kareta wo nitumaneo a si Rameitjau'. Siituoka se
po'o-po'ow mërioro rumu'kup-ange ruru'kup, ra'io ipakakua ëng kakëli.
0 komentar:
Posting Komentar