Kaindo-indono-mai wawean ësa Kolano kétër nimangakar. Ta'an
sia ja ra'itja makaki'i-tji'it, ja in sia matimboi in tja- këtërana an da'itja
mësiri' se tow(ë)na, iaka-akar sia i nima- kasija-sija'o, ta'an se tow(ë)na ja
nimakalénge-lëngeio. Awoja maio i nimateo si Tjolano iitu, ja kuluno i Toja'ang
ën tëla'uën i A manga. Ja si Tjolano iitu wawean po'ow(ë)na tuama, kumaapa ito'
i ana'na. Eng kuanao a si Anak i Tjolano: „Waja in tëla'uën i Amangu ja isake a
londei. Isakeo, ja mawuta-wuta i londei. Ita'aro i Ito'na: „Mange ang
kararëmana, wo mange ilëwu an dano waja se tëla'uën iana ; si ra'itja
itjatinëp, siitu ja ra'itja pinarusi i Amangu." Siituoka iwolenao-mange
ang kararëmana. Ilëwunao tu'u m baja in tjupang WO n aroro' wo se sapa wona'
waja, ja kupangoka ësa n da'itja nituminëp. Indonao tu'u n iitu. Ja kumi'it in
ta'ar i Ito'na, ja alinao-mange a si Inanga.
Itjatëka'o-mange sia, ja iwe'enao a si Inanga. Eng kuano i
Inanga an isia: „Ja mangeo tare itëlës sapa-sapa am pasar si roit iana."
Mangem sia, ja mailëko si ësa tow maali-ali si meong, wo wueiënao: „Pawu'unën
si meong?" Sumowato si maali-ali si meong: „Pawu'unën." Mueio^ka'i
sia: „Takura n iwe'eku isia?" Sumowato si mawangker si meong: „Kupang
ësa." Siituoka iwe'eo i Anak i Tjolano si tjupang ësa iitu WO indonao-mai
si meong.
Maja'o wona' pira ngando, ja kalingaana im bawean ën
sumengkot an tana' walina. Maio in sera nimoleo, ja iwe'eo i Anak i Tjolano an
isera si meong, ëng kuanao: „Sa itja- sale'miow, ja irapimiow si meongku."
Kuano e sumengkot : „Itjasale'ami, ta'an sapa in toroami i maali isia?"
Kuano i Anak i Tjolano : „Paaliniow eta' mange-wo."
Siituoka indono-mai e sumengkot si meong. Moleo sera,
mëmole-moleka sera, ja sera mailëko im punten'. Siituoka sera sumuwa' ambitu.
Sumuwa'o sera, ja sera mange a si Tjolano. Mangem sera, ja pëwueiëno i Tjolano,
ëng kuanao: „Tonapakamu?" Sumowato sera: „Am puntem balina-wo, wo sumuwa*-
mai a si punten iasa." Kuano i Tjolano : „ Masale' kamu n të'tëkangku
?" Sumowato ka'i sera: „Masale', ta'an sapa n tawoiën?" Kuano i
Tjolano: „Mate se ka wok am baleku; pa'pa'an ën a si tana' iasa ja këli tjawok,
iaka-akar in da'itja toro kuman, mamaande-andetangkë' wo se kawok. Ta'an
marengo-mange kamu-wo, tiimëna-tënaoka-mai in sa aku kumano." Mangem tu'u
sera, kumi'it in aitjua i Tjolano.
Maio tu'u in tjumano si Tjolano, ja mangem
tu'u sera. Itjatëka'-mange sera, ja ipaompëro ng kanen i Tjolano. Ja si meong
aira- pierao-mange, ta'an sinaputerakë'. Siituoka maja'o-mai se kawok WO
iwëkarera-mio' si meong wo mërintju-rintju'ku'oka sia ë matangka' se kawok,
akar im pinakaindo-indona se kawok am bale i Tjolano, se tani'tuo tu'u in
tjakëli. Siituoka kalingaano e tow a si ro'ong iitu, ëng kuanerao: „Ja n a si
Tjolano, kine, wawean meong!" Siituoka towano e tow a si ro'ong iitu se
maali-ali si meong, wo sera të'tëkanera in si meong ja mindooka se kawok am
baleera. Awoja tani'tu ë nimamuali, iaka-akar i marengo sera, ja sera weano
të'tëk ra'io aipakasake a londei.
Itjatëka'o tu'u-mai an tana' pëngëna-ngëna'anera, sera ja
iwe'eo tu'u ën aipatë'tëk si meong tani'tuo in tjakëli. Pailë- kënoka i Ito' i
Anak i Tjolano m baja se itu, ja ng kuanao a si makaito' isia: „Sumere kua'a
eta' e! se iana ja ra'itja pinarampas."
0 komentar:
Posting Komentar