Mamualio-mai tow si toja'ang isia, ja mëngame-ngame'kë' ;
mande ambitu si Inanga wo si Amanga e mëngame-ngame'kë', kaapa makan, kaapa
mawaja-waja' e mëngame-ngame'kë' sia. A si makasa tintjasan i Inanga wo si
Amanga i mange-mai tale'. Maja'o sera, rumojoro si Toja'ang isia wo
mawaja-waja' mëngame-ngame' an unër in tëmbëran. Palinanoka i Tjolano, ja
mare'eo si Tjolano wo ipëkitowa i Tjolano sia, ëng kuano i Tjolano: „E toja'ang
iana! sapa ën ipëngame-ngame'mu ?** Sumowato si Toja'ang kërok, ëng kuanao : „
Akarao." Wueiëno ka'i i Tjolano: „Nimawisa si Inangu wo si Amangu?"
Kua- nao: ,Nimange-mai pongkolan-tumow.** Kuano ka'i i „Tjolano: „Sapa?"
Kuano i Tjërok: „Nimange-mai pongkolan-tumow." Kuano i Tjolano: „Sapa si
ipakuamu : pongkolan-tumöw ?"
Kuano ka'i i Tjërok: „Pongkolan-tumow tu'u
ja!" Siituoka pa'pa'an in da'itja kailëkan i Tjölano si ipasowat i Tjërok,
ja iru'ndu'nao sia, ëng kuanao: „E Kërok, marengo!"
Marengo si Tjërok, wo maame'o ka'i. Marengo-mai si Inanga wo
si Amanga, ja ipëkitowao i Tjolano, kuanaó: „Sapaka si anakiow si Tjërok,
pateno mata' eng kare'enoka ë mëngame- ngame'." Kuanerao : „Si Tjolano
tu'u ja."
Mando tu'u-mai iterewa'o a se tow ja im baja se tow lumowëng
si Tjërok kumali i lowëngan isia siow ngarëpa ëng kararëm. Palingano i Tjërok
im pateno sia, ja ng kuanao : „O Ina' WO Mama', kumi'it aku in ilowëngo, ja
wean-ai meong aku wo pisow ësa itjawalitju." Siituoka ki'itano i Inanga WO
si Amanga,
Pakakalin tu'u-mako e tow ë lowëngan isia, ja sia angeno-
mai WO ilowëngo. Itjatëka'-mio' a lowëng sia, ja sia kumalio WO ng kuanao i
makua a si Meong: „Kumo'kor, e Meong, iaku ë makali en da'ipe' winean im
batu." Siituoka kumo'koro si Meong. Kamang in tajango ëng kino'koranera,
ja lumëtupo-mio' ëm batu aiwëkar ambitu, anaitu ra'itja kinauma'an im batu
sera. Tani'tu mëmaja-maja' ën ëndo e mëngali-ngali si Tjërok, mako'kor si
Meong. Po'owo in sërap si Tjërok wo si Meong ën an darëm in tana', ja
kumësoto-mange am bawo in tana' nirumoro' im bëngi.
Itjatëka'o-mange am bale i Inang wo si Amanga sera si Meong,
kuanerao: „O si Tjërok si a'i!" Kuano i Tjërok: „Iaku!" Kuanerao
ka'i: „Nitumambisa ko wo aitjawarenge'- mai?" Kuano i Tjërok: „Iaku
nimakali, si Meong ë nimako'- kor, anaitu aitjawarenge'-mai." Numuwu'o
ka'i si Tjërok, kuana: „Itëlës-ai roke aku, wo sapatu, wo kastor, sa itjasale'-
miow." Kuano i Inanga wo si Amanga: „Kaitu-itu ko mapales embai?"
Kuano i Tjërok: „Me'e weta'-wo." Siituoka tu'uki'itano i Inanga wo si
Amanga, akar si Tjërok i makara- karaioka in tjarai e wangko-wangko', wo
mawaja-waja'. Ma- waja-waja'oka sia pailëkënö i Tjolano, akar in aipëkitowana,
kuanao: „Nitumambisa ko wo aitjawarenge'-mai, e Kërok?" Sumowato si Tjërok
kuanao : „Sapaka aku ja manësëloka wo'o mareng-ai, ënta'an airu'ndu'ke'-mai i
Apo'mu wo si Inangu, ja in sapaka kine ko e Kolano, mio'-mai in tjaraimu. Waja
se pëkaraiëngku anio' aiwe'eera-mai." Kuano i Tjolano: „Ulit na?"
Kuano i Tjërok: „Ulit. Kailëkan i Tjolano in ësa, in si seio si makakarai tanu
si a'i ambia?"
Mando tu'u-mai tumerewa'o si Tjolano, ëng kuana: „Waja se
tow kumalioka im baja'angku." Siiluoka kumalio se tow. Ta'an si
Tjërok(ë)kë' ë nitumuru' in tjinalian. Pakakalin-ako ja ilowëngo si Tjolano,
akar im binarengan sumama-sama'. An somoi-ai iitu mueio si pënana'an i Tjolano,
ëng kuanao : „E Kërok, ro'na mareng-ai kawisa si Tjolano?** Sumowato si Tjërok:
„Ro'na mareng-ai in tjawuruk si sërap." Pangëna- ngëna'anoka mai, ra'io
mareng-ai si Tjolano, maka-akar si makangaranoka in Tjërok ë nimaindo kolano a
si ro'ong iitu.
0 komentar:
Posting Komentar