Sapaka si Make'et anio', ja ëm pake'etana a mange ën dowar ;
ja kasusur im boondo wo ëm bawa'ando ja sia mange kume'et. Susur(ë)na i mange
ja ra'itja wana ëm pe' mangena paalin-ai. Siituoka ëng kuanao: „En aku re'e ën
da'itja wana ëm pe* mai paindon am pake'etangku, ja maitju ëpe'an i lumukut
mainde' sapa si maperas im pe'ku."
Mando tu'u-mai ja sia mangeo lumukut, nitumo'tol i ma-
moondo akar i mawawa'ando. Kamang tu'u im bawa'ando, ja serenao-mange si tow an
tu'ura im pe'. Kuanao: „O nange tu'u wona' si maperas im pe'/ A siitukë'
pailëkënao tu'u masosoro wo katu'usana in sapaka sia ja lolok, wo ëng kuanao:
„Iwajape', iwajape'-wo, akar(ë)na in dumojor." Ja pailëkënao tu'u-mange i
marojoro, ja sia ilukut(ë)nao an tu'ura in daran. Ra'ipe' aitjatëka'-mio' an
tana' si Lolok e marojor, ja sia kërësëno-mange i Makaupe'. Siituoka
mëkiampungo si Lolok ëng kuana: „Ampung, ampung!" Janta'an pasowatëngkë' i
Makaupe' : „O ra'itja, iitjoo si maperas im pe'ku." Ta'an da'itja mëna' si
Lolok ë mëkia-kiampung, akar(ë)na in tjumua a si Makaupe': „Ampung; sa
itjasale'mu, ampungan-ai aku, WO kita mëkarëtukoka." Siituoka ki'itano i
Makaupe'. Kamang sia in tjini'itano, ja mueio si Lolok, ëng kuana a si J^aka-
upe': „O po'ow, awean pulintja' ëng ka'kas(ë)mu ambia?" Sowatënao:
„Wawean." Kuano ka'i i Lolok in sumowat: „Ja sama'. Sapaka ko ja mange-mai
pukët, wo wawa'ando kita mai mamorapat, ta'an sapaka ko, ja makata'an-ako im
pukët- sa, ja mangeo rumu'ndu'-mai, en aku ja mënto' am pukët wo ilëkënuoka
kakëli e wio'o rumumpak, kakëli e patengku."
Mangeo tu'u rumu'ndu'-mai si Makaupe', siow se wio'o
nirumumpak sinangawalitjë'. Palinano i makaka'kas ja nimë- walitjë'
nirumëngkek. lo'onao, ja siow tu'u se wio'o nimate. Siituoka ja tumataro sera,
wo ëng kuano i Lolok : „Sapaka aku, ja iindokë'-mio' tëkek am baja i giona a se
wio'o iana, WO saputën-io' wo iwe'e-mai iaku." Siitu tu'u ëng kini'itan i
tow. Kamang si Lolok im bineano, ja ta'aranao si tow ëng kuanao: „E pó'ow, sa
ko mange a si pënana'anu, ja tio'o mange ipakua-kua aku, eni! en tia' ëng
kamangu mapo'- ow(ë)kë\ pa'pa'an sa aku ra'itja mangemu ipakua-kua, ja sapaka
ko itjomba'ku ang karapi i ngaran i Tjasuruangku WO si Tjasuruanu, sapaka ko ja
ipatao-taor(ë)kë' èm baja im pangusuiënu, wo makaere, sama' ëng kanen, sama' ëm
pasë- ra'an. Wo itjuaku iitjo, kasiowan ngawëngi wo kasiowan ngando ja kita mai
mëta'up ambia, eni!" Siituoka ëng kuano ka'i i Lolok: „E po'ow, masale'ka
ko ën ipakawalitju am baleku?" Kuano i tow: „Sama', sapaka aku, ja masale'
mailëk im balemu." Tani'tu iwalio i Lolok sia wo ëng kuana: „Ja maio,
kumi'it-ai iaku."
Maja'o tu'u sera; katare nimawaja'pe' an tana', kumarua
nitumete am pondos, katëlu nimuntëp am palëmboian in dano, ta'an sia ë
mawaja'-mange ambitu nitumete-mange am pondos, ja pauma'angkë' in tutune im
pondos; kuanao in tjumua a si Lolok: „Pauma'angkë' aku, ra'itja re'e toro
maja', e po'ow/' Kuano i Lolok : „Lisuan-io' in tana' makatëlu ëng keitjei, WO
niaja'-mai/ Kini'itan tu'u i Tow. Maja'o tu'u sera, ja ra'io pa- tunen, mange
ka'i am palëmboian in dano sera, kuano ka'i i Tow: „Malësëngkë' re'en aku, e
po'ow!" Kuano ka'i i Lolok: „Ramësën-itjo in dano ën amo makatëlu
ka'i." Tani'tu kini'- itana ka'i. Siituoka muntëpo tu'u-mio* ambitu sera,
wo mio' an darëm in tana'. Ja mëmaja-maja'ka sera, sumosoro-mange am bale i
Lolok. Siituoka ja ompërano kanen sera, ëng kumano; ta'an da'itja nitjuman
tu'tu', ja nimawësuo si Tow, winësukë' in susuwa in tu'tu'. Siituoka mangilëko i
marengo am baleera si Tow. Ki'itano i Lolok, wo ëng kuana: „O toja'ang, waja se
itjamu rumakut in sera' wio'o wo paalinta- mange a si po'ow." Pakasaputën
tu'u-mako ën sëra\ ja sera mangem karapi e toja'ang tëlu nimio waja sera'.
Ta'an sera ë nimawaja'o, ja tina'aran i Lolok in tana'i: „O po'ow! sawo kita
aitjatëka'o-mange am balemiow, ja tio'o ipakua-kua a si pënana'anu aku, en tia'
mara'itjë' ëm pangusu-ngusuiënu, eni!"
Akar(ë)kë' itu.
0 komentar:
Posting Komentar