Kaindo-indono-mai ja wawean ësa tow mëngëna-ngëna' a si ësa
ro'ong a lawanan. Awoja sapaka si tow isia, ja mënga- nge'et, janta'an ëm
pake'etana ja an talun an tajang-ange in do'ong. Kasusur im boondo wo ëm
bawa'ando si tow isia mange kume'et.
Maioka a si makasa in sia mangeo ka'i wo'o kume'et, ja sapa
ë nimamuali? Pëke'etanao ëm pe', pailëkëna ja kine'- etano. Tani'tu tare sia
marengo am balena. Maio im bawa'ando sia mangeo ka'i kume'et, ta'an angena,
kine'etano ka'i. Siituoka marengo-mange am balena sia. Tëlu ngando ëm pe' itu
ëm pinënge'e-nge'etan i sei. Siituoka ëng kuanao: „Tia'pe', wawa'ando si rombit
isia mangeku ilukut." Awoja maio tu'u i mawawa'andoo-mio', ja mangenao
ilukut. Sia nirumi'ndir a si ësa kaju ang kara'ter i a'kël pake'etana. Ra'itja
nimaure- ure, ja palingana waweano tu'u ë marintja'kas-ai. Serena-mako, ja
lolok, am pa'pa'an sia ja kolëk pinangakaran, ja ëm bu'uk(ë)na renet, maose'oka
an tana'. Sapaka sia ja mëporong im porong tëkek, ë giona o'lei tanu i lumut,
wo sia mawule- wuleng im binalu'. Itjatëka'-mange an tu'ura im pe' sia, ja
isangat(ë)nao-mange an dererot si ra'un itu wo sia sumosoro- mange eng
kume'eto. Makake'et-ako sia, ja rerotënao-mio' ëm pe' WO sia rumojoro.
Matawio-mio' in tana' sia, ro'naoka rua a'mbanga wo an
tana*o, ja teronëno-mako i tow in tjumërës si Lolok wo tim- boiana am bu'uk.
Ra'itja sapa ëng kinala'us i tow i nimindo, ja nirumambus im porong, wo
aipërior(ë)na i musëk, pa'pa'an kailëkan i tow isia, sapaka ëm porong iitu ja
wawean këtëra.- Siituoka ëng kuano i Tow: „O inde', itjo tu'u re'en si mana-
ram i mai marombit im pe'ku." Sumowato si Lolok, ëng kuana: „Ja ulit, e
kalo, ta'an sapaka aku ja aiparu'ndu'-mai e karapitju, am pa'pa'an in tarepe'
iasa kami nimema' kasale- sale'an. Anae sa itjasale'mu, wean-ai ampung wo
iwëkar-ai aku WO iwe'e-mai ëm porongku." Sumowato si Tow, ëng kuana:
„Ra'io kawisa si porong anio' wo iwe'ekupe' iitjo.'* Siituoka ëng kuano ka'i i
Lolok: „Sa re'e tani'tu, sa si tjalo masale', ja ko iwalitju-mange am
baleami." Sumowato si Tow, ëng kuana: „Sama'; oteo kita mangem."
Tani'tu sera maja'o, maawo im bale i Lolok. Mëmaja- maja'oka
sera, ja sumumpak-ange a si ësa këpal im batu; awoja si tjëpal iitu wawean ësa
lëngkang tëkek. Ituoka ëng kuano i Lolok: „E kalo, tumimboio-mai am palukaku,
wo kumi'it-ai iaku." Tani'tu sera munfëpo-mange a si lëngkang iitu.
Ra'itja nimaja' rua ngarëpa, pailëkëno i Tow sapaka ën ambitu ja ësa lalam
bangko' mëla'u-la'us a si ësa kapajasam bangkër. Sumumpako-mange sera, ja
këkëlian se masasau a lesar im bale. Siituoka numuwu'o si ësa matu'a a unër e
këli masasau itu, mëwuei a si ipëngaru'ndu' upe', ëng kuana: „Kua'itu si tow
anio'?'* Sumowato si ipëngaru'ndu' upe': „Sa- paka si tow anio', ja isiao si
makape' si pëngaangengku-mai. Ta*an aku ja kinauma'ana, anaitu sia
aipakawalitju-mai.'' Kuano ka'i i Matu'a a si Tow: „E pó'ow! sama' re'en eng ko
ë nimai. Sa ko masale', ja tia'pe' mare-wareng tarepe'. Woondooka i mamoondo wo
ko mange karapi i maange-mai upe'; tio'o ko niainde-inde' in da'itja
kuman."
Tani'iu tu'u kini'itan i Tow, iaka-akar sia in tjumanoka
ambitu, wo tumëkëloka ambitu a si wëngi iitu. Awoja woo- woondope' tu'u i
mando-mai, ja si Tow wo si Lolok mangeo ka'i tjume'et. Sera ë nimaja',
nisumalukë' si lalam binaja'anera- mai tjaawi*i. Itjatëka*-inange an tu'ura im
pake'etan sera, ëng kuano i Lolok: ,E kalo, iakuo én sumosor.^ Sumowato si Tow:
^Sama'." Makake'et-ako si Lolok, ja sia nimojoro-mio' WO sera mëlép.
Makaëlép-ako sera, éng kuano i Lolok: ,Sa itjasale'mu, e kalo, ja
iwarengké'-mai an iaku si porong nian- det(e)mu." Sumowato si Tow éng
kuana: ,Iupuso-mai an iaku si porong iitu, pa'pa*an aku ra'itja wana lalam
balina ro'na kausuiangku porong tanu si a'i. Ko ro'nape' makaere porom balina,
ta*an aku ja ra*itja; nimakaere weta' aku, am pa*pa*an an iitjo wo.' Siituoka
si Lolok masigi-sigil, tambisa én do'na sia makaere im porong(é)na iitu.
Makata^neio si Lolok, éng kuana a si Tow: ,Sa ko masale', e kalo, ja kita in
dua mëkara-karapio tare, kita ësaoka tawoiën. Tio'o mainde-inde* in tjakaapuan,
sapaké' si itjasale'ta karëngan itu ja kaerean." Si pangilëkan iitu ja
nienan i Tow. Awoja a si ëndokë' iitu, sera in dua mema* ësa lawi
paënto-ënto^an.
Mandoo tu'u-mai, ëng kuano i Lolok: ,E kalo! sapaka kita
tarepe', ja mange an ta'asitj wo mamongkor.' Ririor in sera wo mange an
ta'asitj, ja sera nituma'tak poodos alerën pasëwénan se pongkor.
Itjatëka'-mange an ta*asitj, sera tumi- nëpo an dano, ta*an si Lolok ën an ^or.
Sera in an darém in dano, ra*itja makapëndam-ai i malësém, ta*an tanukë* i
mawaja-waja' ang katana'an. An darëm in dano, sera ménepa- nepa se pongkor,
kakëli e pailékën, wo pënëwé-nëwénënera. Serenera in do*na akaro iitu ëng
kakëtean i maali, ja sera marengo-mange a lawi, wo waja se pongkor itu
témburanera. Se tëla'u im pinasëra'era, ja mange ipawangker i Tow an do'ong. Ja
makatëlu pitu ngando sera ë nimëngulu-ngulur tani'tu.
Awoja péndamëno i Lolok in da'itja re'e kaandetana ëm
porong, ja indonao-mai si ësa pagi' tékek wo ëng kuana: ,E kalo, indono tare
ka'i-mange si pagi' anio', irapit-ange im porong ambana, wo ita'ar(ë)ku an
iitjo: sa ko wo manguma, ja tio'o tare itawangkër, mande se karo'ong(ë)mu wangkér
ën uma, ta'an da'itja wana ë makaindo in tjakéli im bene' WO ën tandemu. Sa ko
wo mamangker, patëna-tënan-ange i makua ëm be'ena, pa*pa'an tambisa si
aitjuamu, ja ra'io itjareso. Sa ko wo mëwawi, ja ra'itja ka'i wana ë makawawi
tanu in tjëkëmël e wawimu." Siituoka indono-mai i Tow ëm pagi', WO sia
numuwu' ëng kuana: „E Wa'ilan, kamang an iaku sawo tanu in ta'ar(ë)mu.''
Kasomoian iitu ja sera mënsiri'ano wo mëmbean in tjama WO
ka*i mangilëk kamang wo kalowiran a si ësa wo si ësa ; tani'tu sera mëtalitjuro,
wo si Tow marengo-mange an do'ong(ë)na. Awoja si Tow anio' mangeo tu'u tumawoi,
tambisa ën aita'ar i Lolok an isia. Maja*o tii'u ën ta'un, ulit nimamuali tanu
i nuwu* i Lolok. Si Tow isia këkëlian ëm bene' wo ën tande, WO se wawina
kumëmë-këmëlo-mai. Awoja se wene' wo ën tande WO se wawi itu
pinëmu'u-mu'un(ë)na iaka-akar sia ja këkëlian ën doit. Ang kasomoian iitu ja si
Tow isia nimaindb ësa Tow mamangker wo nimawa'ilan.
Akar(ë)kë' iitu.
0 komentar:
Posting Komentar