Kaindo-indono-mai si ësa Kolano an sangaro'ong ja awean ësa
toja'ang tuama. Si Tjolano iitu ja akaro iitu ëng kakëli in doit aipumpuna am
pariri. Ja mawangko'o-mai si toja'angera, ja si Tjolano ipëkiwarengo. Awoja
maio a si makasa si To- ja'ang iitu piaiën e karëtuk(ë)na, ëng kuaerao an isia:
„Maioe karapi, wo mangeta ringinën in doit wo mëmailëkan mainde' si seitja ë
makaindo." Tani'tu si Toja'ang mangeo-mai roit karapi i maënë-ënëp a si
Inanga wo sia mangeo mëwëra' karapi e karëtuk(ë)na.
Awoja katare-tare sia nimaweso'pe', ta'an ang kasomoian sia
nimarugi, iaka-akar waja se roit kinausuian, kaapa tëla'uën i amanga itu
nimakaa-kaapu, wajaoka im pulu' roit ë nima- tëla'u-mio' ang kama i Inanga. Ang
karapi in tjatapean sia marengo-mai a si Inanga wo sia tumowo i mëngame-ngame'
WO mangilë-ngilëk kanen. Siituoka ëng kuano i Inanga: „Sa- pape' re'e n do'na
ipanëlës(ë)ta titjo'o sangando-sangando, e ana'ku, em baja re'en in doit
tëla'uën i amang(ë)mu itu ja aipakatia'muo re'en am putar!** Ja pakanuwu'ana-mako
in tjapoloan sia, ja iindonao-mai lima roit wo itu ituruk(ë)na-mio' a si
Toja'ang wo ng kuana: „Indon-ange si roit anio' wo mange itëlës-ai tëwi' kanen
kita." Siituoka indono-mai i Toja'- ang ën doit WO sia mange am pasar. Ja
ambituoka sia mailëk ësa meong wo si meong itu tëlësana in doit paali-alina, wo
sia marengo-mange am bale. Itjatéka'-mange sia, ja mangaja'- ka'o-mai si
Inanga, pa'pa'an si Toja'ang ja ra'itja nitumëlës tëwi', ta'an nitumélës(ë)kë'
meong, wo siituoka sia itjaëm- bow(ë)nao.
Ja ra'itja nimaure-ure an somoi-mai iitu iwe'eo ka'i-mio' i
Inanga se lima roit wo ka'i sia iru'ndu'nao mange am pasar, mange tumëlës
tëwi'. Janta'an mangem ka'i si Toja'ang ja aitëlës(ë)nakë' si tumotongko' tekek
si roit pinaali-alina-mange. Si tumotongko' tinëlësana ja mënoi-now, anaitu si
tumotongko' itu ja indona pëngëwëra-wëra'an. Itjatëka' ka'i-mange am bale si
Toja'ang, ja mangaja'ka'o-mai si Inanga iaka-akar sia niluatana wo nuwu'ana.
Awoja an somoi-mai iitu ipëkiangenao- mai si Toja'ang si tumotongko', en
siwono. Ta'an mangem si Toja'ang a si tumotongko', ëng kuano i Tumotongko' :
„Sa itjasale'mu, tio'o indo-indon aku, wo ko tawangën wo kamangëngkuoka
ka'itje', em pa'pa' ko tarepe' ja pinalinga- ku-mai ipakaëmbow i Inangu an
doro'ku." Sumowato si Toja'ang an isia, ëng kuana : „Sama', ta'an sapao n
do'na itjamang(ë)mu iaku?" Numuwu' si Tumotongko' ëng kuana: „Sa aku wo
ra'itja patenu, ja ko iwalitjuoka am bale e apo'ku, WO ko mangekuoka wean-ai si
pëngakakajaan se waja-waja, sapakë' si itjasale'mu/ Sumowato si Toja'ang : „Sa
aku tongko'on e apo'mu?" Sumowato ka'i si Tumotongko': „Tio'o
mainde-inde', ko ja patei-teirangkuoka, wo sa ko mawarengo- mai, ja iwalitjukë'
ka'i-mai, anaitu kumi'ito-mai in ipus(ë)ku WO ambisa ëm baja'angku, ambitu ëm
baja'anu."
Tani'tu sera maja'o. Sumumpak-ange im bu'mbu'an sera, ëng
kuano i Toja'ang: „Eng kita muntëpo am bale e apo'- mu, ja pawasangku, ra'itja
nimako ambisa eng këlian se tumotongko' ën ambitu, anaitu sa aku
tongko'onera?" Sumo- wato si Tumotongko' : „Tio'o minde-inde', em pa'pa'
sa tanu WO awean ë mëtongko' iitjo, ja nuwu'angkuoka sera, oreoka ko indonera,
anaitu maio!" Siituoka sera muntëpo-mio'. Su- mumpak-io' im balena e
tumotongko' sera, ja kuano i apo' itumotongko' tëkek: „Sama' re'e, e pojo'ku,
eng kita pinaali- anuo-mai sera'." Siituoka ng kuano i Tumotongko' tëkek:
„Tio'o indo-indon sia, en sa aku ra'itja tineirana, ja in tarepe' iasa aku
ra'io wo'o ambia. Sia tinowaku nitjumi'it-ai wo mai- mange im pëngakakajaan. En
iitu ja aiwaer(ë)ku an isia, pa'pa'an aku ra'itja pinatena wo ra'itja
sinëra'na." An somoi- mai iitu iwe'eerao-mange ëm pëngakakajaan a si
Toja'ang itu WO sia marengo-mai, ta'an sia aiwalitjë'-mai i Tumotongko' tëkek,
akar in tjumësot-ai am bawo in tana'. Wo itjatëka'- mai am pana'pa' im bu'mbu'an,
sera ja mëtalitjuro, ëng kuano i Tumotongko' : „ Marengo-mange am bale i Inangu
ko, wo mange ema'an-ange tanu se aisusuitju an iitjo én an doro' i
pëngakakajaan anio'."
Awoja wëngi-wëngipe' itjatéka'o-mange am baleera sia, wo sia
mange tumulung am bawo i meja wo sia kumakaja, ëng kuana: „Kakaja, kakaja!
tarepe' waja si meja anio' ja ma- wuta-wuta in tjakanën!" Tani'tu ra'itja
nimaure-ure ja nima- wutao in tjakanën wo n ëëlëpën n am bawo i meja. Siituoka
mangenao polon si Inanga wo kuman. Ja sumumpak-ai si Inanga ëng kuana ang
karapi i mangaja'ka' : „E na'ku ! ambisa én iasa-wo? wo si sei é nisumiwo in
iasa?" Sumowato sia: „E Inangku! ën iasa ja ra'itja ambisa wo mai,
janta'an sapaka n iasa ja kinakajakë* em pa'pa^an aku ja wineano- mai i
Tumotongko' im pëngakakajaan."
An somoi tja'i-mai iitu si Toja'ang kumakaja roit kéli,
iaka- akar waja se pariri in doit nimakaapuo itu ja nimawutao ka'i sumawél.
Awoja an somoi tja'i-mai iitu sia kumakaja wale lo'or karapi i monarana, ja n
iitu nimamuali. Awoja sera i mëinang nimasija'o am baja-waja, sama' ën doit,
sama'ëm bale, wo kumëli-mai a se pëtowén ra'io itjakua. Ja kai- lëkan-ako e
sangaro'ong ambitu in sera ja këlio ëng kinau- suian, anaitu si Toja'ang iitu
angkaiénerao maindo kolano wo ën an tutuw im pinapérentana, se tow ambitu
nimëno-now ang karapi in ëna' wo ëlur.
Akar(é)kë' itu.
0 komentar:
Posting Komentar